Ниҝерија халгы Шејх Зәкзәкинин азадлығы үчүн кечирилән аксијалара давам етдирир

Әһли Бејт - АБНА – Хәбәр Аҝентлијинин вердији хәбәрә әсасән, Кано шәһәр сакинләри бир даһа хијабанлара чыхараг Ниҝерија Ислам Һәракатынын Лидери Ајәтуллаһ Шејх Зәкзәки башда олмагла ханымы вә 1000-ә јахын ҝүнаһсыз Шиәләрин азад едилмәсини тәләб едибләр.

Етираз аксијасында чыхыш едән Шејх Сәнуси Әбдүлгәдир Куки Шејх Зәкзәкијә дәстәк олдугларыны билдирәрәк дејиб: “Артыг 9 ајдан чохдур ки, бу алиҹәнаб руһанинин Ајәтуллаһ Шејх Зәкзәкинин ганунсуз һәбсиндән кечир лакин һәлә дә, мәсәлә илә бағлы һәр-һансы истинтаг иши апарылмајыб.”

Хатырладаг ки, 2015, Декабыр ајынын 12-синдә Ниҝерија Һәрби Гүввәләри дөвләт башчысынын тапшырыгына әсасән Сәудијјә режиминдән алдығы план үзрә Ниҝерија Шиәләринин Лидери вә Ниҝерија Ислам Һәракатынын Сәдри Ајәтуллаһ Шејх Зәкзакинин мәнзилинә вә һабелә Бәгијјәтуллаһ Һүсејнијјәсинә силаһла басгын едәрәк 2000 силаһсыз Шиәни гәтлиам едәрәк јүзләрлә нәфәри мүхтәлиф дәрәҹәли бәдән хәсарәтләри илә јараламышдыр. Бу ганлы һадисә заманы Шејх Зәкзаки ҝөз вә синә наһијјәсиндән ҝүллә јарасы алараг өзү вә ханымы әсир ҝөтүрүлмүш 3 оғлу вә бир гызы исә Шәһид едилмишдир.