Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Шејх Ибраһим Јагуб Зәкзәкинин оғлу Мәһәммәд Зәкзәки дүнја иҹтимаијјәтинә мәктуб үнванлајараг, атасынын үзләшдији вәзијјәт вә Ниҝерија Әһли-Бејт (ә) ардыҹылларынын лидеринә гаршы едилән зүлмдән данышыб.
Мәһәммәд Зәкзәки јаздығы мәктубда белә гејд едиб: "Мән бүтүн инсанларын әдаләт вә ләјагәт һүгугуна малик олдуғуна инанан һәр кәсин, даһа чох сәј ҝөстәрәрәк мәнә гошулмасыны истәјирәм".
Мәһәммәд Зәкзәки тәрәфиндән гәләмә алынан мәктубда ашағыдакы ифадәләр гејд олунуб: "Дөвләт Хидмәтләри Назирлији атамын мүдафиә олунан мәһбус олдуғуну иддиа едир. Чүнки о јараланыб, бир нәфәр вә вәкилинин ифадәсинә әсасән, јараланмыш һәр бир вәтәндашы горумаг Дөвләт Хидмәтләри Назирлијинин вәзифәсидир! Даһа да пис олан вәзијјәт исә онларын атамы горумаг үчүн 5 милјон наира (Ниҝерија пул ваһиди) пул сәрф етдикләрини иддиа етмәләридир.
Үч гардашымла јанашы, ҝүнаһсыз халгын өлдүрүлмәсинә вә гәтлә јетирилмәсинә шаһид олмағым дөзүлмәз бир вәзијјәтдир. Анам вә атам һәбсхана отагларында дејилләр. Онлар тәһлүкәсиз вә раһат бир шәраитдә дә сахланылмырлар. Ниҝерија ордусу кечән сәккиз ај әрзиндә гардашларым, бибим вә бир чох гоһумларымын да араларында олдуғу миндән артыг ҝүнаһсыз халгы өлдүрдү. Једди дәфә анама атәш ачдылар, атам да тәк ҝөзүнү итирмәклә јанашы, голу вә ајаглары да ифлиҹ олду. Аиләмин белә бир вәзијјәтдә нә һәкими, нә дә вәкили вар. Һалбуки Дөвләт Хидмәтләри Назирлији онлары горудуғуну иддиа едир. Бу сәккиз ај әрзиндә ән пис тәһгирләрә вә зоракылыға мәруз галмышыг. Белә ки, шәкилләримизи мәтбуатда дәрҹ етдирәрәк, бизим нүфузумуза зәрәр вурмаг истәдиләр.
Атамын мүајинә олунмасы үчүн бир һәкимлә ҝөрүшмәси илә бағлы һәр ҝүн Дөвләт Хидмәтләри Назирлијинә етдијим тәләбләр мүхтәлиф бәһанәләрлә рәдд едилир. Атамын сәккиз ајлыг һәбс мүддәти әрзиндә јалныз дөрд дәфә онунла ҝөрүшмәјимә иҹазә верилиб. Сон ҝөрүшүмдә иҹтимаи рәји манипулјасија етмәк үчүн бизим ҝөрүшүмүзү видео гејдијјатына алыб, фотолары чәкибләр. Әминәм ки, ән гыса бир мүддәтдә бу ҝөрүнтүләри ҝөрәҹәксиниз. Тәһсил вәзијјәти вә ады-саны мәлум олмајан бир һәким тибби һејјәтлә мәсләһәтләшмәдән атамын бир ҝөзүнү итирмәсинә сәбәб олуб.
Онларын вәкилләринин иддиа етдији кими, атамы горумурлар. Онлара бир нечә суалым вар. Индијә гәдәр бу суалларыма бир ҹаваб алмамышам: "Аилә үзвләрилә ҝөрүшмәк һансы тәһлүкәни јарадыр? Һәкимлә ҝөрүшмәк һансы тәһлүкәни јарада биләр? Атамын вәкилилә ҝөрүшмәси һансы тәһлүкәни јарадыр? Мәгсәдимиз тәкҹә әзизләримизлә ҝөрүшмәкдирсә, нијә онлар давамлы олараг камера илә башымызда дурурлар вә атам бир әсир икән, мән нијә бир гонағын сакит вә миннәтдар оғлу кими олмаға мәҹбурам. Мәним дедијим һәгигәтләрә ҝөрә ана вә атама бир зәрәр дәјмәси еһтималы илә әлләрим титрәсә дә, һәр заман өзүмә вердијим суалы јенидән сорушурам: Ҝөрәсән, һәгигәтләри дилә ҝәтирә биләрәмми?"
Диггәт: Хәбәрдәнистифадәетдикдәмәнбәјәистинадлазымдыр