Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мисирин танынмыш Әл-Әзһәр Университетинин бөјүк алимләриндән сајылан Шејх Мисбаһ Әмин Әр-Рудәјни узун арашдырмалардан сонра Шиә олду вә Нәҹәфи Әшәрәф шәһәринә ҝедәрәк һәзрәти Әмирәл Мөминин, әли ибн Әбу Талибин һәрәмин зијарәт етди.
73 јашлы Шејх Мисбаһ Әмин Әр-Рудәјни һәрәмә дахил оларкән дејиб: “Өмүрүм галан һиссәсини мүбарәк һәрәмин кәнарында кечиртмәк истәјирәм!”
Өзүнүн Шиә олмасы һагда алим белә дејиб: “Инсанын өз хәталарыны баша дүшүб төвбә етмәси јалныз Аллаһын лүтф сајәсиндә мүмкүндүр. Мән өз һәјатымда чохлу мүталиә вә арашдырмалар апармышам. Анҹаг мәним һидајәт олмама илк һадисә бир нечә ил өнҹә “Рафизи кимдир?” ады алтында тәһгир вә бөһтан долу јазылмыш мәгалә олду. О јазыда шиәләр чох әдәбсиз шәкилдә тәһгир едиләрәк, һејванлара бәнзәдилмишди. Мән о заман бу јазыја гаршылыг олараг, Ислам Пејғәмбәринин давраныш вә ҝөзәл әхлагы барәдә мәгалә јазмышдым.”
Гејд едәк ки, Шејх Мисбаһ Әмин Әр-Рудәјни Бөјүк Сүнни Тәдгигатчы алимләриндән бири олмуш, Мисирин деврилмиш президенти Мәһәммәд Мурсинин мүәллими ејни заманда сәләфимәсләкли Ихаванул-Муслимин Тәшкилатынын танынмыш сималарындан бири вә Мсир әсилли Гәтәр сакини сәләфи алими Јусиф Әл-Гәрзавинин јахын достларындан олуб.
Диггәт: Хәбәрдән истифадә етдикдә мәнбәјә истинад лазымдыр