Дүнјасыны дәјишмиш "Һәзрәти Јусиф" сериалынын режиссору Фәрәҹуллаһ Сәләһшурун дәфн мәрасими мөһтәшәм кечирилиб- Фото

Дәфн мәрасиминдә Ислам Республикасынын дүнјасәвијјәли танынмыш кинорежисор вә актјорлар иштирак едиб.

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бағырсаг хәрчәнҝинә ҝөрә бир мүддәт хәстәханада јатан Иран Ислам Республикасынын мөмүн вә ингилабчы режиссору Фәрәҹуллаһ Сәләһшур Февралын 26 сәһәр вәфат едәрәк өз Пәрвәрдиҝарынын сәдасына ләббејк дејиб. Мәрһум Фәрәҹуллаһ Сәләһшурун ҹәназәси ИИР Мәдәнијјәт вә Инҹәсәнәт хадимләринин һүзуру илә, һабелә бир груп Теһран әһалиси илә бу ҝүн сәһәр радәләриндә Теһранын Әшрәфи Исфәһани маҝистирал јолундан Имамзадә Сејјид Ҹәфәр вә Һәмидә Хатун түрбәсинә тәрәф јола салыныб. Гејд едәк ки, Азәрбајҹан Республикасында да јахшы танынан Иран Ислам Республикасынын Гәзвин шәһәриндән олан Фәрәҹуллаһ Сәләһшур бир чох дини филмләрин јарадыҹысы олуб. "Һәгиги Төвбә", Әсһаби Кәһф- Анҹолос Кишиләри (Мен оф Анжолос), "Әјјуб Пејғәмбәр", "Јусиф Пејғәмбәр", вә с. онун дәјәрли ишләриндәндир. Фәрәҹуллаһ Сәләһшурун сон иши "Муса Пејғәмбәр" сериалы олуб.

Диггәт: Хәбәрдән истифадә етдикдә мәнбәјә истинад лазымдыр