Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ниҝерија ордусунун кечән илин декабр ајынын 13-дә өлкәнин Әһли-Бејт (ә) ардыҹылларынын лидери шејх Ибраһим Јәгуби Зәкзәкинин евинә вәһшиҹәсинә тәшкил етдији һүҹумла бағлы јени кадрлар интернетдә јерләшдирилиб.
Мәлумата ҝөрә, Ниҝерија Ислам Һәрәкатынын ЈоуТубе сәһифәсиндә јерләшдирилән видеода Ниҝерија ордусунун шејх Зәкзәкинин евинә һүҹумундан сонра, шејх Зәкзәкини мүдафиә етмәјә ҝәлән мүсәлманларын вәһшиҹәсинә гәтлә јетирилдији вә јандырылдығы ҝөрүнүр.
Диҝәр тәрәфдән Ниҝерија Ислам Һәрәкаты шејх Зәкзәкинин гејд-шәртсиз дәрһал азадлыға бурахылмасы вә Ниҝерија шиәләринә гаршы гәтлиам төрәдән орду мәсулларынын ҹәзаландырлмасы тәләбилә нөвбәти јүрүш митингини кечириб.
Гејд едәк ки, шејх Зәкзәки Ниҝерија ордусу тәрәфиндән декабрын 13-дә евинә тәшкил олунан һүҹумдан етибарән һәбсдәдир. Шејх Зәкзәки 6 вә ханымы Зинәт Ибраһим исә 2 ҝүллә јарасы илә һәбс олунмушдур. Ниҝерија ордусунун тәшкил етдији һүҹумларда 1000-дән артыг инсан шәһид олмушдур. Өлкәнин мүхтәлиф бөлҝәләриндә шејх Зәкзәкинин азадлыға бурахылмасы тәләбилә нүмајишләр һәлә дә давам едир.
Диггәт: Хәбәрдән истифадә етдикдә мәнбәјә истинад лазымдыр