Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Африкада Шиәләрә гаршы сојгырымы һәјата кечирән ниҝерија режими јараладығы вәзијјәтдә ганунсуз һәбс етдији Ајәтуллаһ Шејх Зәкзакијә јахынлары илә ҝөрүшә иҹазә вериб.
Ниҝерија “Ислам Алимләр Бирлији" һәрәкатынын үзвләриндән олан Һәсәб Бала Шејх Зәкзакилә ҝөрүшдүјүнү дејиб.
О, Шејх Зәкзаки вә аиләсинин вәзијјәтинин јахшы олдуғуну билдирәрәк дејиб: "Онлар һазырда муалиҹә алырлар. Һәрәкатын үзвләриндән бәзиләри онунла ҝөрүшә наил олублар. Бу ҝүнәдәк аиләси онунла ҝөрүшә билмәсә дә, јахын ҝүнләрдә бу гадағанын ләғв олунмасы ҝөзләнилир".
"Ислам алимләр бирлији" һәрәкатынын үзвү Һәсәб Бала Ниҝерија режиминин һүҹуму заманы һәјатыны итирәнләрлә бағлы да данышараг "2 минә јахын Шәһидимиздән әлавә 700 нәфәр Шиә дә иткин дүшүб вә онлар барәдә һеч бир мәлумат әлдә едә билмәмишик. Халг Шејхин сәрбәст бурахылмасыны тәләб етмәјә давам едир. Бунунла бағлы һәр ҝүн етираз аксијасы кечирилмәкдәдир. Орду сон һадисәләрдән тәшвишә дүшүб вә Әһли-Бејт тәрәфдарларына гаршы зоракы аддымларына һәләки сон гојуб." дејә Һәсәб Бала билдириб.
Диггәт: Хәбәрдән истифадә етдикдә мәнбәјә истинад лазымдыр