Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ниҝерија һәрбичиләринин өлкәнин шималында Зарја Әһли-Бејт (ә) давамчыларына һүҹум вә гәтлиамындан тәгрибән бир ај кечиб вә Ниҝерија Ислами Һәракаты бәјанат јајараг елан едиб ки, һәрәката үзв олан 700-дән чох инсан итҝин дүшүб.
Өтән ҝүн Ниҝерија Ислами Һәракатынын сөзчүсү Ибраһим Муса бәјанат јајараг билдириб ки, биздә олан сијаһыја ҝөрә декабрын 12-дә баш верән о фаҹиәдән сонра 730 киши вә гадын итҝин дүшүб. “Бу шәхсләр ја орду гүввәләри тәрәфиндән өлдүрүлүб, ја һәбс олунублар. Лакин онларын талеји илә бағлы һеч бир мәлумат јохдур.”
И.Муса дејиб ки, Ниҝерија Ислами Һәракатына үзв олан 220 нәфәр һазырда Кадуна һәбсханасында сахланылыр. “Биздә олан мәлуматлара ҝөрә, һәраката үзв олан шәхсләрин бир гисми дә диҝәр һәбсханаларда о ҹүмләдән Бауҹи вә Абуҹа шәһәр һәбсханларында сахланылыр. Онларын дәгиг сајы билинмир”.
Гејд едәк ки, декабрын орталарында Ниҝерија ордусу Зарја шәһәриндә шиәләрин топлашдығы Бәгијјәтуллаһ һүсејнијјәси вә Шејх Зәкзакинин евинә һүҹум едиб. Инсан һаглары тәшкилатлары Ниҝерија ордусунун Кадуна әјаләтиндә Зарја шәһәринә һүҹум заманы ән аз 300 Әһли –Бејт (ә) тәрәфдарынын өлдүрүлдүјүнү елан едибләр. Бәзи мәлуматлара ҝөрә, һүҹум заманы 1000 –дәк шиә гәтлиам олунуб (Маиде-нин тәрҹүмәсиндән истифадә едилмишдир)
Диггәт: Хәбәрдән истифадә етдикдә мәнбәјә истинад лазымдыр