Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 07. 01. 2016 ҹы ил Шам вә Хофтән намазларындан сонра Гум шәһәри һәзрәт Фатимәи Мәсумәнин (с) һәрәминдә Имам Хомејни (р) адына Сәһн вә Мәсҹиди-Әзәм-дә ејни заманда Ганлы 26 Нојабр вә Нардаран гәтлиамында шәһид оланларын 40 мәрасими, Ниҝерија дөвләти тәрәфиндән төрәдилән Шиә сојгырмынын Шәһидләринин хатирәси вә бүтүн анти-Шиә әмәлијјатларын баш идарәчиси сәудијјә режими тәрәфиндән Шәһид едилән Шејх Нимрлә багғлы аным мәрасими кечирилиб.
Мәҹлис Гуран тилавәти илә башлајыб, мәрсијәләр охунуб. Мәҹлисдә Зәнҹан шәһәринин имам-ҹүмәси Ајәтуллаһ Шејх Әли Хатәми хүтбә сөјләјиб. Ајәтуллаһ Хатәми шәһидләрин хатирәсини әзиз тутараг бу барәдә ајә вә һәдисләр охујуб, ҝениш изаһлар вериб. О, дүнјада баш верән үмуми һадисәләр һаггында әтрафлы данышыб, Исламла, хүсусилә Имам Һүсејн (ә) мәктәбинә гаршы башланан амансыз мүбаризәләрин мәғлуб олаҹағыны вурғулајыб.
Хәтиб белә бир сијасәт јүрүдән һакимләри тарихдән ибрәт ҝөтүрмәјә чағырыб.
Мәҹлисдә јүзләрлә тәләбә вә руһаниләрлә јанашы Гум Елмијјә Һөвзәнин Али Тәглид МӘрҹәләри вә Бөјүк Елми Шәхсијјәтләри дә иштирак едиб. О ҹүмләдән Ајәтуллаһ Әмини, Ајәтуллаһ Әләви Горгани, Ајәтуллаһ Бушеһри, Ајәтуллаһ Сејид Әһмәд Хатәми, Ајәтуллаһ Сәиди, Ајәтуллаһ Шејх Мәһәммәдҹавад Фазил Ләнкәрани, еләҹә дә Ајәтуллаһ Хаменеи, Ајәтуллаһ Систани, Ајәтуллаһ Нури Һәмәдани, Ајәтуллаһ Хорасани, Ајәтуллаһ Ҹәфәр Сүбһани, Ајәтуллаһ Мәкарим Ширази, Ајәтуллаһ Вәһид Хорасанинин дәфтәрханаларынын мәсул нүмајәндәләри иштирак едибләр.
Мәҹлисин сонунда Зәнҹанын мәшһур рөвзәханы Һаҹы Меһди Рәсули Нардаран шәһидләринә һәср етдији мәрсијәсини охумуш вә Иран Исламч Республикасынын мәшһур түрк дилли шаирләриндән олан Бејтуллаһ Ҹәфәри Нардаран шәһидләринә һәср етдији шеирини охујуб.
Диггәт: Хәбәрдән истифадә етдикдә мәнбәјә истинад лазымдыр