Илһам, Ашура мәдәнијјәтинин ҝенишләнмәсинин гаршысыны ала биләҹәк барәдә сәһв фикирдәдир

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, "Азәрбајҹанын Ашура Әдәбијјатынын Горунмасы" илк бејнәлхалг конфрансы декабрын 6-да Гафгаз өлкәләринин мүтәфәккирләри, әдәбијјатчылары, шаирләри вә мәддаһларынын иштиракы илә Тәбриз Университетинин "Вәһдәт" салонунда кечирилди.

Редаксијамызын мәлуматына әсасән, Тәбриз Университетинин ректору конфрансда бу университет һагда мәлумат верәрәк билдириб: "Тәбриз Университетинин нәздиндә фәалијјәт ҝөсәтәрән Әдәбијјат Институту, Тибб Институту илә бирликдә илк јаранан институтлардан олмушдур вә бу институт өз ифтихарлы тарихи боју әдәбијјат саһәсидә ифтихар едиләҹәк Хәјјам Пур, Гази Тәбатәбаи, доктор Инзабинежад, доктор Мүртәзәви, доктор Иҹлали кими бөјүк тәдгигатчылар јетишдирмишдир".

Университетин ректору Фарс әдәбијјаты факүлтәләри арасында "Ашура әдәбијјаты" факүлтәсинин јеринин лүзумуна тохунараг артырыб: "Әдәбијјат Институтунда фарс, инҝилис, франсыз дилләри вә фәлсәфә тәдрис олунур вә Фарс әдәбијјаты бөлмәләриндә мүгавимәт әдәбијјаты, ирфан әдәбијјаты кими факүлтәләр мөвҹуддур, лакин бурада Ашура әдәбијјатынын јери чатмыр".

Ректор дејиб: "Зәнҝин Ашура әдәбијјат вә мәдәнијјәти илә фәхр едирик. Бу әдәбијјат вә мәдәнијјәти ҝәнҹләр арасынҹа јајмалыјыг. Бу ишдә әдәбијјатчы, шаир вә мәддаһларын мүһүм ролу вардыр. Чүнки онлар мәсум имамларын (ә) һәјат тәрзини ачыглајыр, инсанларын һисләрини дини тәфәккүрлә ујғунлашдырыр вә онун дәринләшмәсиндә тәсир гојурлар".

Тәбриз Университетинин Азәрбајҹаншүнаслыг Арашдырмалар Мәркәзинин директору вә "Ашура Әдәбијјаты" бејнәлхалг конфрансынын катиби доктор Әһмәд Фәршбафијан Ашура кимлији мөвзусунда чыхыш едәрәк дејиб: "Азәрбајҹан вә Ислам мәдәнијјәти даирәсиндә јерләшән мәнтәгәләрин – Иран, Азәрбајҹан, Анадолу – әсил кимлик вә мәдәнијјәти, Ашура мәдәнијјәтидир. Биз, бу дини бахыш вә мәсум имамлары (ә) хатырламагла, Аллаһа даһа јахын ола биләрик".

Ә. Фәршбафијан чыхышынын диҝәр һиссәсиндә Азәрбајҹан Республикасынын әһли-бејт (ә) шаир вә мәддаһларынын конфранса дәвәт олунмасы, лакин Азәрбајҹан дөвләтинин онларын ҝәлишинә мане олмасына тохунараг дејиб: "Азәрбајҹан һөкумәти, әһли-бејт (ә) јазычы, шаир вә мәддаһларынын бу конфрансда иштиак етмәмәси үчүн онларын өлкәдән кәнара чыхмасына мане олмагла Ашура мәдәнијјәтинин ҝенишләнмәсинин гаршысыны ала биләҹәкләри барәдә сәһв фикирдәдир. Биз бу ҝүнләри мәнтәгә өлкәләриндә тәзјигләрин шаһидијик. Танынмыш шәхсләрин бу конфрансда иштиракына гадаға гојулмасы мәғлубијјәтә мәһкумдур вә бу һәрәкәтләри илә Ашура мәдәнијјәти илә мүбаризә апара билмәзләр. Иншаллаһ, белә конфранс вә мәрасимләр шаир вә мәддаһларын иштиракы илә елми, тәдгиги сурәтдә давам едәҹәк".

Гејд едәк ки, конфрансын давамында Иран ислам Республикасынын шаирләриндән Кәлами Зәнҹани, Азәрбајҹан Республикасынын шаирләриндән Сејид Нурәддин, Фәрман Мәһәммәдов, Азәрбајҹан Республикасындан "Имам Һүсејн (ә)" филминин кино режиссору Маһир Дәрвиш, Ирандан исә Ибраһим Рәһбәр, Меһди Хадим Азәрјан, Фәхруз-закирин Һаҹы Фируз Зирәккар, Түркијәдән Магсуд Пурдари, Шәкур Әшкур вә Ҹалал Јанык әһли-бејт мәдәнијјәтинин фәаллары кими тәгдир олунду.

Һәмчинин хәбәрдә дејилир ки, Тәбриз Университетинин Азәрбајҹаншүнаслыг Мәркәзинин тәшәббүсү илә кечирилән бу конфрансда һөҹҹәтүл-ислам Маһмуд Мәрифәт чыхыш едиб, мәддаһлыг олунуб вә шер охунуб вә видео-клипләр ҝөстәрилиб.


Диггәт: Хәбәрдән истифадә етдикдә мәнбәјә истинад лазымдыр