Әһли Бејт (әлејһимус сәлам) -АБНА- Хәбәр Аҝентлији- Суал: Исламда өлүјә Гуран вә јахуд онун Јасин сүрәсин охумаг дүзҝүндүрмү?
Ҹаваб : Биз бу суала мәшһур әһли-сүннә алимләринин топладығы һәдисләрлә ҹаваб версәк даһа мәгсәдә ујғун һеаб едирик.
1- Мәһәммәд Һәгги һәзрәтләри ''Сирләр Хәзинәси'' китабында (''Һазинәтүл-Есрар'' тәрҹүмәси Түрк дилиндә сәһ.578) Тирмиз Мекат ибн Јашардан нәгл едир ки, (1038-ҹи һәдис) Пејғәмбәр(с) бујуруб: ''Јасин'' сурәси Гуранын гәлбидир. Ахирәт јурдуну диләјәрәк буну охујан инсан мүтләг бағышланар. О һалда бу сурәни өлүләриниз үзәриндә дә охујун.''
2- ''Ислами һәгигәтләр'' китабында Әһмәд Салман (360-ҹы сәһифә, түрк дилиндә) Бухари ибни Өмәрдән, Тәбәри Әбу Һүрејрадан нәгл едир ки, (1040-ҹы һәдис) Пејғәмбәр(с) бујуруб: ''Ҝеҹә сырф Аллаһ ризасы үчүн ''Јасин'' сурәсини охујан кимсәнин ҝүнаһлары бағышланар. О һалда бу сурәни өлүләринизә дә охујун.''
3- Әбу Бәкирдән вә ибни Аббасдан рәвајәт едилмишдир ки, (''Руһил-бәјан'' тәфсири ''Дөрд сәһиһ һәдис'' китабы Әбу Һүрејрадан, 1044-1066-ҹы һәдис) Пејғәмбәри Әкрәм бујуруб: ''Гәбристанлыға ҝириб ''Јасин'' сурәсини ким охујарса, мүтләг о ҝүн үчүн о гәбирдәкиләр һәфифләнмиш (админ: әзаб гәбр әһлинин үзәриндән ҝөтрүләр) оларлар. Охујана да орадакы өлүләр сајысынҹа саваб вериләр.''
P.S: Әһли-сүннә алимләринин топладығы һәдисләрдән ајдын олур ки, өлүјә вә гәбирстанлыгда ''Јасин'' сурәсини охујаркән һәм өлүнүн руһу шад олур, һәм дә охујан кимсәјә саваб јазылыр вә ҝүнаһлары бағышланыр.
Диггәт: Хәбәрдән истифадә етдикдә мәнбәјә истинад лазымдыр