Әһли Бејт (әлејһимус сәлам) -АБНА- Хәбәр Аҝентлији- Имам Һүсејнә (ә) ҝөрә интигам алмаг – ҹәзаландырмаг, күфрү, нифагы вә ширки арадан галдырмаг мәнасындадыр, нәинки кин бәсләмәк. Мәсум Имамларын (ә) һамысы һәр ҹүр нәфсани һиссләрдән һәмишә пак олмушдулар. Аллаһын интигамы һаггында охујуруг: “Аллаһын һидајәт етдији кәси әсла аздыран олмаз. Мәҝәр Аллаһ јенилмәз гүдрәт вә интигам саһиби дејил?!”. (“Зумәр” 37).
Бу ајәдә Аллаһын интигамы дејилдикдә налајиг ишләрин ҹәзаландырылмасы нәзәрдә тутулур. Кин бәсләмәк кими бир әмәлдән әсла сөһбәт ҝедә билмәз.
Имам Заман ағанын (ә.ф) ләгәбләриндән бири Мүнтәгимдир. Әҝәр Ислам дүшмәнини ҹәзаландыра билмәсәјди, она һеч бир заман бу ләгәби вермәздиләр.
“Биз мәзлумҹасына (һагсыз јерә) өлдүрүлмүш шәхсин гәјјумуна һөкмранлыг (гисас алмаг, ганбаһасы алмаг вә јахуд бағышламаг ихтијары) вермишик”. (“Исра” 33). Имам Багир (ә) бу ајәнин шәрһиндә бирдирмишдир ки, “Мәзлум инсан – Имам Һүсејндир (ә) вә биз онун ганынын вәлисијик. О заман ки, бизим Гаим (ә.ф) зүһур едәр, онун ганынын интигамыны алаҹагдыр”.
Һәзрәт Пејғәмбәр (с) Гәдир-Хум ҝүнүндә Һәзрәт Мәһдини (ә.ф) таныдан заман бујурур: “Аҝаһ олун ки, Һәзрәт Мәһди (ә.ф) залымлардан интигам аландыр вә о, Аллаһын бүтүн салеһ бәндәләриин наһаг төкүлмүш ганынын интигамыны аландыр”.
Мераҹ һәдисиндә охујуруг ки, Һәзрәт Пејғәмбәрин (с) ҝөзү Имамларын (ә) нуруна саташан заман нурлардан бирини о бириләриндән фәргли ҝөрдү. Һәким Аллаһдан нида ҝәлди ки, “О, һәмин бизим Гаимдир (ә.ф). О, һәмин кәсдир ки, бизим һалалы һалал, бизим һарамы һарам едәҹәкдир. Мән онун васитәсилә дүшмәнләрдән интигам алаҹағам”.
Ашура ҝүнүндә Имам Һүсејн (ә) вә сәһабәләри језидләрин (лән) әлиндә шәһид олдулар вә Илаһи мәләкләр чох нараһат олдулар. Илаһи дәрҝаһа шикајәт етдиләр. Аллаһ Тәала Һәзрәт Мәһдинин (ә.ф) нуруну ҝөстәрәрәк бујурду: “Бу Гаимин (ә.ф) васитәсилә Имам Һүсејнин (ә) гатилләриндән интигам алаҹағам”.
Биз һәр ҹүмә ҝөзүмүз интизарда Гаимин (ә.ф) јолуну ҝөзләјирик ки, ҝәлсин вә Имам Һүсејнин (ә) залым гатилләриндән интигам алсын, әдаләти бәргәрар етсин. О ҝүнүн арзусу илә.
Диггәт: Хәбәрдән истифадә етдикдә мәнбәјә истинад лазымдыр