Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, "Милли-Мәнәви Дәјәрләр" Иҹтимаи Бирлијинин "Нәрҝиз" Гадынлар Ҹәмијјәти һәр ил олдуғу кими бу ил дә "Нәфсин һиҹабы" адлы конфрансы тәшкил едибләр.
Конфрансда "Нәрҝиз" Гадынлар Ҹәмијјәтинин сәдри Сәидә ханым Сәмәдова, Мәлејкә ханым Асланзадә, Зәһра ханым Сүлејманова, Кәклик ханым вә диҝәрләри чыхыш едибләр. Конфрансын әсас мөвзусу ҹәмијјәтдә баш верән гадын-ҹәмијјәт мүнасибәтләриндә ахсаглыг, аилә проблемләри, камиллијә апаран нәфсин һиҹабланмасы, һиҹабын горунмасы, тәблиғи вә башга мөвзулар олуб. Конфрансда чыхышлардан сонра данышанлара суаллар верилиб. Конфрансын сонунда ифтар сүфрәси ачылыб, ханымлара еһсан верилиб.
Хатырладаг ки, "Нәфсин һиҹабы" конфрансы 5 илдән чохдур ки һәр ил мүбарәк Рамазан ајында "Нәрҝиз" Гадынлар Ҹәмијјәти тәрәфиндән тәшкил олунур.
Диггәт: Хәбәрдән истифадә етдикдә мәнбәјә истинад лазымдыр