Имам Заман (ә.ф) һәзрәтләри вә онун 313 хүсуси сәһабәси

Әһли Бејт (әлејһимус сәлам) -АБНА- Хәбәр Аҝентлији- Мәсумларымызын бујурдуглары һәдисләрә әсасән 12-ҹи Имамын әсһаблары ики гисимдир, хүсуси сәһабәләр вә умуми сәһабәләр. Һәзрәт Мәһдинин (Аллаһ онун шәрәфли ҝәлишини тезләшдирсин) хүсуси сәһабәләри Ислам Пејғәмбәринин Бәдр дөјүшүндә иштирак едән көмәкчиләринин сајы гәдәр јәни тәгрибән 313 нәфәр олаҹаг, үмуми көмәкчиләринин сајына ҝәлдикдә исә, һәдисләр бу барәдә мүәјјән бир рәгәм ачыгламырлар.

Мәрһум Сејјид Мөһсин Әмин дәјәрли “Әјанул Шиә” китабында һәштаддан чох шәһәр вә јашајыш мәнтәгәләринин адларыны ачыглајыр ки, гејд олунан 313 нәфәр һәмин мәнтәгәләрдән олаҹаглар. Деммәли Имам Заман (Аллаһ онун шәрәфли ҝәлишини тезләшдирсин) һәзрәтләринин хүсуси көмәкчиләри мүхтәлиф өлкә вә халгларын нүмајәндәләри олаҹагдыр.

Гум, Күфә, Талиган (ИИР-да мәнтәгәдир), Гурган (ИИР-да мәнтәгәдир), Траблос (Либија), Бејрут, Дәмәшг, Реј (Теһран), Фәләстин, Гәзвин, Шираз, Дејләман (ИИР-да мәнтәгәдир), Бәсрә (Ираг), Әһваз вә Керман хүсуси сәһабәләрин јашадыглары шәһәр вә өлкәләридир.

Онлар бир бирини танымыр вә өнҹәдән верилмәмиш бир гәрарла мүәјјән бир вахтда, мүәјјән бир јердә бир јерә топлашаҹаглар يجتمعون مِن أقاصي الأرض علي غير ميعاد لا يعرف بعضُهم بعضاً  (Әјанул Шиә ҹилд 2, сәһ 84.)

Бәзиләри Имам Заман һәзрәтләринин сәһабәләринин јашадыглары шәһәр вә өлкәләри һагда белә јазырлар:

“24 нәфәр Талигандан, 18 нәфәр Гумдан, 14 нәфәр Күфәдән, 12 нәфәр Һәратдан (Әфганыстандан), 3 нәфәр Систандан (ИИР вә Пакистан арасында олан мәнтәгә), 3 нәфәр Риггәдән (Сурија илә Түркијә арасындакы мәнтәгә), 12 нәфәр Гургандан (ИИР-да мәнтәгәдир), 9 нәфәр Бејрутдан, 8 нәфәр Мәдаиндән (Ирагда мәнтәгәдир), 8 нәфәр Нишабурдан (ИИР-да мәнтәгәдир), 3 нәфәр Бәсрәдән (Ирагдан), 3 нәфәр Хабурдан (Суријанын Һәсәкә вә Дејрә Зор әјаләтинин Ирагла сәрһәд шәһәридир), 7 нәфәр Рејдән (Теһрандан), 7 нәфәр Тәбәристандан (Мазандаран), 6 нәфәр Јәмәндән, 5 нәфәр Тусдан (Мәшһәд), 3 нәфәр Дәмәшгдән, 2 нәфәр Мәдинәдән, 5 нәфәр Тифлисдән (Ҝүрҹүстан), 4 нәфәр Һәмәдандан, 4 нәфәр Дејләмдән (инди Гәзвин адланыр ИИР-да әјаләтдир), 4 нәфәр Зәнҹандан, 4 нәфәр Фустатдан (Ирагда мәнтәгәдир), 2 нәфәр Сәбзивардан (ИИР-да мәнтәгәдир) галанлары исә, диҝәр өлкә вә шәһәрләрдән олаҹагдыр.”

Һәзрәти Әли ибн Әбу Талибин (Аллаһын сәламы онлара олсун) сәһабәси олан Әсбәг ибн Нәбатә (Аллаһ ондан разы олсун) белә дејир:

“Мөмүнләрин Һакими һәзрәти Әли әлејһи сәлам хүтбә оујараг Имам Мәһди (Аллаһ онун шәрәфли зүһуруну тезләшдирсин) вә онун көмәкчиләри һагда данышдыгда Әбу Халид Һәләби Имама белә әрз етди: Еј Мөмүнләрин Һакими! Имам Мәһди һагда бизә даһа да ҝениш мәлумат верин! Һәзрәти Әли (әлејһи сәлам) бујурду: Билин вә аҝаһ олун ки, О (Имам Мәһди ә.ф), әхлаг вә физиоложи гурлуш бахымындан инсанлар арасында ән чох Пејғәмбәрә (сәлләллаһу әлејһи вә алиһ) бәнзәјәнидир.”

Даһа сонра буну әлавә етди: “Сизә онун кмәкчиләринин сајы вә өзләри һагда мәлумат вермәјими истәјирсинизми? Әрз етдим: Еј Мөмүнләрин Һакими! Бәли. О, һәзрәт бујурду: Пејғәмбәрдән ешитдим ки, бујурдулар: Онларын ән биринҹиси Бәсрә ахрынҹысы исә Јәмамәдәндир.

Һәзрәти Имам Әли (әлејһи сәлам) буну дејәрәк даһа сонра Имам Мәһди (Аллаһ онун шәрәфли ҝәлишини тезләшдирсин) вә онун сәһабәләри һагда белә бујурду: 2 нәфәр Бәсрәдән, 4 нәфәр Исфәһандан, 10 нәфәр Гумдан, 10 нәфәр Зәврадан (бәзиләри Зәвранын Теһран бәзиләри исә, Бағдад олдуғуну дејир), Әһваз, Амол, Дәмаған, Савә, Бруҹерд, Мәраға, Хој, Казерун, Әрдәбил вә Әбһәрин (гејд олунанларын һаммысы ИИР-ын мүхтәлиф бөлҝәләрдәки шәһәрләридир) һәр бирисиндән 1 нәфәр, Сәлмас, Һәмәдан, Васит Абадан (һәр бири ИИР-да мәнтәгәдир) вә Һәләбин (Суријада мәнтәгәдир) һәр бириндән 3 нәфәр вә ... олаҹагдыр.” Әл Мәлаһим вәл Фитән китабы сәһ. 145 – 150.


Иранын Зуһур Әрәфәсиндәки Ролу

Һәдисләрә диггәт јетирәрәк Иранын Мүгәддәс Зүһурдан өнҹә вә Зуһур дөнәминдә апараҹағы ролуну белә ачыгламаг олар: Мүгәддәс Ислам Дини вә Шиә Мәктәбинин Маарифи Ирандан, Гум шәһәриндән бүтүн дүнјаја јајылаҹаг. Буна ҝөрә дә, Иранын Ахирәз Заманда Елм бахымындан мөвгеи уҹадыр вә һәмчинин Әһли Бејт (әлејһимус сәлам) Мәктәбинин Баш Мәркәзи олаҹаг.

Имам Садигдән (әлејһи сәлам) нәгл олунан һәдисдә белә дејилир: “Тезликлә Күфә шәһәринин мөмүнләри ораны тәрк едәҹәкләр. Елм јувасында ҝизләнмиш илан кими бу шәһәрдән јох олаҹаг. Даһа сонра Елм Гум адланан бир шәһәрдә зүһур едәҹәк. (Билин ки,) О шәһәр Елм вә Фәзиләт мәдәнинә чевриләҹәк (вә бу шәһәрдән бүтүн дүнјаја јајылаҹаг). Белә ки, јер үзүндә һеч ким, һәтта гадынлар белә евләриндә Дини билҝиләр һагда ҹаһил (елимсиз олмајаҹаг) галмајаҹаг. Бу һадисә Зүһур вахтына јахын заманда баш верәҹәк... Елм Гум шәһәриндән диҝәр өлкәләрә, шәрг вә гәрбә јајылаҹаг. Бүтүн дүнја халгларына һөҹҹәт тамамланаҹаг (һәр шеј ајдын олаҹаг). Белә ки, јер үзүндә кимсә олмајаҹаг ки, Елм вә Дин она чатмасын. Бүтүн бунлардан сонра Гаим (Имам Заман -Аллаһ онун зүһурун тезләшдирсин- һәзрәтләри) гијам едәҹәк. Онун зүһур етмәси Аллаһын залым вә дүшмән гүввәләриндән интигам алмасына вә онлара гәзәб етмәсинә сәбәб олаҹаг. Чүнки Аллаһын бәндәләринә гәзәб едиб, онлардан интигам алмасы јалныз инсанларын Аллаһын ҝөндәрдији Һөҹҹәти (Илаһи Һакими) инкар етдикдән сонра баш верир.” Биһарул Әнвар ҹилд 57 вә 60 сәһ 213


Инсанлары күтләви сүрәтдә Динә дәвәт етмәк Иранда олаҹаг

Имам Мусаи Казым (әлејһи сәлам) бујуруб: “Гум әһалисиндән олан бир киши инсанлары Һагга доғру дәвәт едәҹәк. Бир груп инсан онун әтрфына топлашаҹаг, онлар полад кими мөһкәм инсанлардыр, ҝүҹлү күләкләр (баш верән чәтин һадисәләр) онлары јериндән тәрпәдә билмәз, (Аллаһ уғрунда) мүһарибәләрдән јорулмаз вә ҝери чәкилмәзләр, онлар Аллаһа тәвәккүл едәрләр. Гәләбә сонда тәгвалы вә пәрһизкар инсанларладыр.” Биһарул Әнвар ҹилд 60 сәһ. 216 һәдис 37.

Диҝәр бир һәдисдә исә Имам Муһәммәд Багир (әлејһи сәлам) белә хәбәр верир: “Елә бил ки, шәргдән бри дәстәнин гијам едәрәк һаггы тәләб етмәкләрини ҝөрүрәм, лакин онлара ҹаваб верән јохдур, јенидән өз истәкләрини тәләб едәҹәкләр амма јенә дә, онлара ҹаваб верилмәјәҹәк. Мәсәләни белә ҝөрдүкдә силаһланараг дүшмәнләрә гаршы чыхаҹаглар, дүшмәнләр һаггларыны онлара гајтараҹаг лакин бу дәфә онлар гәбул етмәјәҹәкләр, (үмүдүнја сәвијјәсиндә) гијам едәҹәк вә ону (Исламын бајрағыны) јалныз сизин Саһибинизә (Имам Заман –Аллаһ онун ҝәлишин тезләшдирсин- һәзрәтләринә) верәҹәкләр.” Биһарул Әнвар ҹилд. 52, сәһ 243, һәдис 116.


Сејјид Һәсәни јахуд Хорасанинин гијамлары

Мәсумларымызын бујурдуглары бүтүн бу хәбәрләрә диггәт јетирдикдә Иранын Зүһур заманы иҹтимаи дуруму дүнјаны һагг вә әдаләтә чағырыб бүтүн халглары Зүһура һазыр олмаға дәвәт етмәкдир. Белә бир вахтда Имам Заман һәзрәтләринин көмәкчиләри әмәлә әҝәләрәк мејдана чыхаҹаглар.

Имам Садиг (әлејһи сәлам) бујуруб: “Гума она ҝөрә Гум ады верилиб ки, онун әһалиси Али Муһәммәдин (сәлләллаһу әлејһи вә алиһ) Гаиминин (Имам Заманын) әтрафына топлашаҹаг, онунла бирҝә Гијам едәҹәк вә она көмәклик ҝөстәрәҹәкләр.” Бһарул Әнвар ҹилд 57 вә 60, сәһ. 260, һәдис 38.

Бүтүн Шиә вә Сүнни мәнбәләриндә Имам Мәһдинин (Аллаһ онун шәрәфли ҝәлишини тезләшдирсин) һагда ҝәлән хәбәрләрә диггәт јетирдикдә ҝөрүррүк ки, һәр ики мәзһәбин мәнбәләри јекдилликлә о һәзрәтин Мүгәддәс Ҝәлишини мәһз дүнјада Илаһи Һакимијјәтин бәрпа олунмасынын башланғыҹы үчүн бша верән Ислам Ингилабындан сонра олаҹағыны вурғулајырлар.

Һәдисләрдә ики шәхс һагда гејд олунур, Сејјид Хорасани јахуд да ки, Һашими Хорасани вә онун көмәкчиси Шуејб ибни Салеһин ҝәләши һагда вәдә верилир.


Сејјид Һәсәни јахуд Хорасанинин һәдисләрдә ҝәлән нишанәси

Имам Муһәммәд Багир (әлејһи сәлам) бу барәдә белә бујуруб: “Бәни Һашим (сејјидләр тајфасындан) өвладларындан бир активи гијам едәҹәк, онунсағ әлиндә нишанә вардыр. Хорасандан гара бајрагларла гијам едәҹәк ордусунун башҹысы Шүејб ибн Салеһдир. О, Сүфјанинин ордусу илә дөјүшәҹәк вә онлары дармадағын едәҹәк.” یخرج شاب من بنی هاشم بکفّه الیمنى خال، ویأتی من خراسان برایات سود بین یدیه شعیب بن صالح، یقاتل أصحاب السفیانی فیهزمهم Мәлаһим Ибни Тавус сәһ. 77 вә Әгду Дур китабы сәһ. 128, баб 5.


Мәсумларымыздан (әлејһим сәлам) ҝәлән хәбәрләрә диггәт јетирмәклә Иран халгынын Зүһур дөнәминдәки апараҹағы мүгәддәс ролуну дөрд мәрһәләјә бөлә биләрик:

Биринҹи мәрһәлә: Гум әһалисиндән олан бир кишинин гијам етмәси вә онун әтрафына топлашанларын бу јолда дүшмәнләр илә мүһарибә етмәләри.

Икинҹи мәрһәлә: Онларын узун сүрәҹәк мүһарибәјә дахил олмалары вә сонда өз истәкләрини дүшмәнләрә гәбул етдирмәкләри.

Үчүнҹү мәрһәлә: Өз илкин истәкләриндән әл чәкәрәк, үмүмдүнја Ингилабыны әмәлә ҝәтирмәләри.

Дөрдүнҹү мәрһәлә: Исламын мүгәддәс бајрағыны Имам Заман (Аллаһ онун мүгәддәс ҝәлишини тезләшдирсин) һәзрәтләринә тәһвил вермәләри вә онун кәнарында мөһкәм дурараг, Ағанын үмүмдүја Әдаләт Ингилабында ахыра кими иштирак етмәләри.

Бәзи ривајәтләрдә исә, белә гејд олунур ки, Сејјид Хорасани вә Шүејб ибн Салеһ Иранлыларын дүшмәнләр илә мүһарибә етдикләри заманда пејда олаҹаглар. Белә ки, Иранлылар дүшмәнләр илә мүһарибәнин узун сүрмәсини ҝөрдүкдә, өзләри Сејјид Хорасанини рәһбәр үнванында иҹтимаи вә сијаси ишләриндә тахта сечәҹәкләр, бахмајараг ки, о (Сејјид Хорасани) бу вәзифәни гәбул етмәкдән һеч дә севинмәјәҹәк, лакин онлар ону өзләринә рәһбәр сечәҹәкләр. Даһа сонра Сејјид Хорасани Шуејб ибн Салеһи өз Силаһлы Гүввәләринин рәһбәри тәјин едәҹәк...



Диггәт: Хәбәрдән истифадә етдикдә мәнбәјә истинад лазымдыр