Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасында тәһсил алан Азәрбајҹан Республикасынын тәләбәләри Хоҹалы Сојгырымы илә әлагәдар бејнәлхалг конфранс тәшкил едибләр.
Гум Елми Һөвзәсинин азәрбајҹанлы тәләбәләринин “Муһәммәдин (сәлләллаһу әлејһи вә алиһ) Маарифи Ишығында” Елми Иҹмасынын тәшәббүсү илә кечирилән конфранса Африка, Асија вә Авропа өлкәләринин тәләбәләри гатылыб.
Әл Мустәфа (сәлләллаһу әлејһи вә алиһ) бејнәлхалг университетин Имам Хомејни (рәһмәтуллаһи әлејһ) адына Али Мәктәбин Шәһид Сәдр адына иҹтимаи салонунда гејд едилән конфрансын апарыҹысы Кәрбәлаи Вурғун Аббасов олуб.
О, илк өнҹә гонаглары саламлајараг конфрансы Гурани Кәримин нурани ајәләри илә ишә башламасы үчүн Бејнәлхалг Гуран Мүсабигәләринин Галиби Кәрбәлаи Анар Мәммәдову сәһнә дәвәт едиб.
Гурани Кәримин нурани ајәләри тилавәт олундугдан сонра Шәһидләрин руһу мүбарәк Фатиһә сүрәси илә јад олунуб.
Даһа сонра Вурғун Аббасов Хоҹалы Сојгырымы һагда гыса мәлумат верәрәк, Хоҹалы Фаҹиәсинә даир Фарс дилиндә дүзәлдилмиш сәнәдли филм мәҹлис иштиракчыларына нүмајиш етдирилиб.
Сәнәдли филмин нүмајишиндән сонра чыхыш үчүн сөз Африка тәләбәләринин нүмајәндәси Һөҹҹәтүл Ислам Зул Кифл Конгоијә верилиб.
Сәнәдли филмә бахдыгда долухсунуб, кәдәрләндијини билдирән ҹәнаб Зүл Кифл, Христиан вә Јәһуд дүнјасынын Гурани Кәримин бујурдуғу кими әл-әлә верәрәк Ислама гаршы олдуғуну вурғулајыб вә бунун мүгабилиндә чыхыш јолунун јалныз Мүсәлман халгларын бирләшиб ваһид бир иттифаг јаратмагларында вә башлыҹа тәләбәләрин тәлим, тәдрис, тәблиғ вә мүгавимәтли олмагларында олдуғуну бујурблар.
Даһа сонра Сејјид Әлијар Фәтһуллајев өз гәмҝин сәси илә, роза охујараг Шәһидләри јад едиб.
Даһа сонра сөз Гарабағ мүһарибәсинин ҹанлы шаһиди Азәрбајҹанын Тәртәр рајонундан олан Һөҹҹәтүл Ислам Бәхтијар Бајрамова верилиб. О, чыхышы заманы Гарабағ мүһарибәси вә бу мүһарибәдә 20% торпагларымызын итирилмәсиндә башлыҹа амил кими о дөврүн сатгын сијасәтчиләри вә ән әсасы гејрәт һиссинин унутдурулмасында олдуғуну билдириб...
Даһа сонра тәләбәләр тәрәфиндән гәбул олунан Гәтнамә Һаҹы Нәсми Әскәров тәрәфиндән охунуб.
Конфранс Фәрәҹ Дуасы илә сона јетиб.
Гејд едәк ки, Азәрбајҹанлы тәләбәләр Хоҹалы Сојгырымына даир Имам Хомејни (рәһмәтуллаһи әлејһ) адына Али Мәктәбин үмуми дәһлизиндә Фотосәрҝи бәрпа едибләр. Сәрҝидә дүнјанын 120 мүхтәлиф өлкәсиндән олан тәләбәләрә Фарс дилиндә Хоҹалы Сојгырымы вә Гарабағ мүһарибәси һаггда изаһатлар верилиб.
Билдирәк ки, сәрҝи 01 Март 2015 тарихдән башлајараг 02 Март 2015 тарихә кими давам едәҹәк.
Диггәт: Хәбәрдән истифадә етдикдә мәнбәјә истинад лазымдыр