Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Имам Һүсејнин (әлејһи сәлам) һәрәминин гәтлиҝаһында- Имамын Шәһид олдуғу јер, китабә асылыб.
Һәрәмин ишчиләри тәрәфиндән ҝәтлиҝаһын диварында јерләшдирилән китабә Иран Ислам Республикасынын сәнәткарлары тәрәфиндән дүзәлдилмиш бир инҹәсәнәтдир.
Һәрәмин техники мүһәндислики үзрә директору Кәрим әл Әнбари бу һагда ачыглама верәрәк билдириб: “Үзәриндә “Әссәламу Әлад Димаис Саилат” (Салам олсун һәмишә ахан гана) јазылмыш кәтибә Иран Ислам Республикасынын мәшһур сәнәткарлары тәрәфиндән дүзәлдилиб.”
О даһа сонра дејиб: “Кәтибәнин хүсусијјәтләриндән бири дә, кәтибә үзәриндә 14 Мәсум нијјәтинә 14 әдәд Муһәммәди Ҝүлү (гызыл ҝүл) вә 12 Имам нијјәтинә 12 ҝүл тумурҹуглары ишләнилиб. Кәтибәнин диҝәр тәрәфиндә исә, Имам Һүсејнин (әлејһи сәлам) бармағында ҝәздирдији әгиг дашлы үзүјүн шәкили һәкк олунуб вә үзүкүн әгиг дашы үзәриндә дә, Имам Садигдән (әлејһи сәлам) нәгл олунан рәвајәтә ҝөрә, “Иннәллаһә Балиғу Әмриһ” (Шүбһәсиз Аллаһ Исдәдијини Чатдыраҹаг) кәлмәси јазылыб.”
Гејд едәк ки, кәтибәнин һүндүрлүјү 80 см, ени 20 см, узунлуғу исә, 4 м 25 см-дир. Үмуми чәкиси 600 кг олан китабә Тык ағаҹындан дүзәлдилмиш галиб үзәринә чәкилмиш гызыл суја батырылмыш мис лөвһәләрдән ибарәтдир.
Диггәт: Хәбәрдән истифадә етдикдә мәнбәјә истинад лазымдыр