Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Үмүмдүнја Әһли Бејт (ә) Ассамблејасынын Али Шурасынын 160-ҹы Сесијасы Мүгәддәс Мәшһәд шәһәриндә бәјанатын охунушу илә баша чатыб.
Бәјанатда Ираг мәсәләси, екстримист вә тәкфирчи ҹәрәјанлар, Шејх Әли Сәлманын һәбси, Әрәбистан Шиәләринин сојгырымы кими Ислам Дүнјасында баш верән ҝүнүн мөвзуларына тохунулуб.
Бәјанатын там мәтни беләдир:
بسم الله الرحمن الرحیم
Үмүмдүнја Әһли Бејт (ә) Ассамблејасынын Бәјанаты
Аллаһын севимли пејғәмбәри һәзрәти Муһәммәд Мустәфа (сәлләллаһу әлејһи вә алиһ) вә Имам Ҹәфәри Садигин (әлејһи сәлам) нурани тәвәллүд ҝүнү вә бу ҝүн мүнасибәти илә Вәһдәт Һәфтәси адланан ҝүн Үмүмдүнја Әһли Бејт (ә) Ассамблејасынын Али Шурасынын үзвләри сәккизинҹи Имам, Әли ибн Муса әл Рзанын (әлејһи сәлам) шәрәфли мәзары кәнарында топлашараг 160-ҹы Сесијаларына старт верибләр.
Али Шуранын үзвләри ики ҝүн давам едән иҹласда Ислам Дүнјасында баш верән сон һадисәләр, Әһли Бејт (әлејһим сәлам) Мәктәбинин давамчыларынын үмуми дурумларыны гијмәтләндирәрәк дүнја халгларынын нәзәрләрини иҹласын сонунда гәбул едилмиш маддәләрә ҹәлб едир:
1- Үмүмдүнја Әһли Бејт (әлејһим сәлам) Ассамблејасынын Али Шурасынын үзвләри Али Мәгам Рәһбәр Ајәтуллаһ Хаменеи ҹәнаблары башда олмагла бүтүн Али Тәглид Мәрҹәләринин дүнја Мүсәлманларыны тәкфирчи ҹәрәјанларын хәтәрләринә аҝаһ едән вә бүтүн Мүсәлманлары вәһдәти горујуб АБШ, сионист режими, Бәс партијасы вә тәкфирчи үнсүрләрдән ибарәт хәтәрли ҹәрәјан илә үз-үзә ҝәлмәјә дәвәт едән шүҹаәтли мөвгеләринә вә вердикләри һәкиманә бәјанатларына ҝөрә дәрин тәшәккүрүнү билдири.
2- Үмүмдүнја Әһли Бејт (әлејһим сәлам) Ассамблејасынын Али Шурасынын үзвләри өз нөвбәләриндә “Екстримист вә Тәкфирчи Ҹәрәјанлар Ислам Алимләринин Бахышында адлы Бејнәлхал Конгресин” мүвәффәгијјәтлә һәјата кечирилмәсинә ҝөрә өз сәмиманә тәшәккүрләрини конгресин баниләри һәзрәти Ајәтуллаһ Мәкарим Ширази вә Ајәтуллаһ Ҹәфәр Сүбһанијә (Аллаһ онларын бәрәкәтләрини артыг етсин) тәгдим едирләр.
3- Үмүмдүнја Әһли Бејт (әлејһимус сәлам) Ассамблејасынын Али Шурасынын үзвләри дүнјаны тәҹүбләндирән Имам Һүсејнин (әлејһи сәлам) Әрбәин мәрасиминдәки милјонларла Шиәнин нүмајиш етдирдији инсиҹамлы вәдәти лајигинҹә гијмәнтләндирәрәк, зәвварларын рифаһыны тәмин едән Али Мәгамлаы Тәглид Мәрҹәләринә, Ираг вә Иран Ислам Республикасынын халгы вә дөвләтләринә өз тәшәккүрүнү билдирир.
4- Али Шуранын үзвләри террорчу вә тәкфирчи үнсүрәрин дүнјанын һәр бир јериндә хүсуси илә дә Сурија вә Ирагда ҝүнаһсыз вә мүдафиәсиз инсанлара гаршы төрәтдикләри ҹинајәт һалларыны кәскин мәһкум едәрәк, Ирагда Силаһлы Гүввәләрин, шүҹа көчәри гәбиләләрин, Көнүллү Дәстәләрин бирликдә әлдә етдикләри гәләбәләр, гондарма “ИШИД” адлы террорчулар гаршысында сәрҝиләдикләри мүгавимәтләр вә јараглылары ишғал етдкләри Ираг торпагларындан говараг ҝеријә чәкилмәләјә мәҹбур етдикләрини гијмәтләндирир вә онлара Гәрб-Јәһуди-Әрәб үнсүрләри тәрәфиндән дәстәкләнән тәкфирчиләри ишғал етдикләри әразиләрдән тезликлә тәмизләјәрәк сүлһ вә сабитлији бу дијарда бәрпа етмәјә арзу едирик.
5- Али Шуранын үзвләри Бәһрејн Мүсәлманларынын вәтәндаш вә гануни һүгугларынын бәрпа едилмәси сәмтиндә сәрҝилдикләри мүгавимәтә дәстәк верәрәк, һәбс едилмиш әл Вифаг партијасынын Баш Катиби Һөҹҹәтүл Ислам вәл Мүслимин Шејх Әли Сәлманын вә диҝәр сијаси мәһбусларын гејдсиз вә шәртсиз азад едилмәсини тәләб едәрәк, Хәлифә сүлаләсинин анти-бәшәр вә гејри-гануни әмәлләрини мәһкум едир.
6- Али Шуранын үзвләри Сәуд сүлаләси режиминин һаггы тәләб едән мәзлум Һиҹаз халгыны ганына гәлтан етмәсини кәскин сүрәтдә мәһкум едәрәк, бу режимин мәһбәсләриндәки мәһкумалрын азад олунмасыны тәләб едир.
7- Үмүмдүнја Әһли Бејт (әлејимус сәлам) Ассамблејасынын Али Шурасынын үзвләри Бөјүк Ислам Пејғәмбәри һәзрәти Муһәммәдин (сәлләллаһу әлејһи вә алиһ) вә онун пак вә мәсум Әһли Бејтинин (әлејһим сәлам) парлаг һәјатына истинад едәрәк, Ислам Үммәтини вәһдәти горујуб, ихтилаф вә пәракәндәликдән узаг олмаға дәвәт едир. Али Шура үзвләри һәмчинин Ислам Үммәтини мәрһум Имам Хомејни (мәгамы даһа да алли олсун) һәзрәтләри вә Ислам Ингилабынын Али Рәһбәринин ҝөстәришләринә әмәл етмәји төвсијјә едир.
وآخر دعوانا أن الحمد لله رب العالمین
Мүгәддәс Мәшһәд
12.10.93
Диггәт: Хәбәрдән истифадә етдикдә мәнбәјә истинад лазымдыр