Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүнләр Имам Заман (Аллаһ онун шәрәфли зуһуруну тезләшдирсин) һәзрәтләринә хас олан ҝүнләрдир.
Белә ки, Һиҹри Гәмәри тарихи илә Рәбиул Әввәл ајынын доггузу дүнја халгларынын үмүдү, Даһи Имам һәзрәти Мәһдинин (Аллаһ тәала онун шәрәфли ҝәлишини тезләшдирсин) имамлыг мәгамына тәјин олунан ҝүндүр.
О, мүтләг ҝәләҹәк вә дүнјаны зүлм вә чашгынлыглардан пак едәрәк әдаләтлә долдураҹаг.
Биз АБНА олараг бу хош ҝүнләри башда Имам Заман (әҹҹәләллаһу тәала фәрәҹәһуш шәриф) һәзрәтләринә, онун һагг наиби Имам Хаменеи ҹәнабларына, али тәглид мәрҹәләринә вә бүтүн дүнја халгларына хүсуси илә дә, Әһли Бејт (әлејһимус сәлам) Мәктәбинин давамчыларына тәбрик әрз едирик.
Бу мүнасибәтлә сајтымызын һөрмәтли зијарәтчиләринә Имам Заман (Аллаһ онун шәһәрфли зүһуруну тезләшдирсин) һәзрәтләринин Кәрбәла шәһәриндәки “Мәгамы”нын (админ: јәни О һәзрәтин намаз гылыб дуа етдији мәкан) ҝөрүнтүләрини тәгдим едирик.
Гејд едәк ки, “Имам Заман Мәгамы” Кәрбәла шәһәриндә јерләшән чох әһәмијјәт кәсб едән вә дәјәрли зијарәтҝаһлардан бири сајылыр. Бу зијарәтҝаһ Имам Һусејнин (әлејһи сәлам) ады илә мәшһур олан Чајын кәнарында, Имам Һүсејн (әлејһи сәлам) һәзрәтләринин һәрәминдән бир аз аралыгда јерләшир.
Аллаһ ҹүмлә бәшәријјәтә бу Илаһи мәканларын зијарәтләрини нәсиб етсин. Амин!
Диггәт: Хәбәрдән истифадә етдикдә мәнбәјә истинад лазымдыр