Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Дәмәшгин Шејх Әһмәд Кәфтур Ассамблејасынын кадиби Шејх Муһәммәд Шәриф “Тәкфирчи вә Екстремист Ҹәрәјанлар Ислам Алимләринин Бахымында” үмумдүнја конгресин тәркиб һиссәси олан “Тәкфирчиликин көкләри” комиссијасында чыхыш едәрәк билдириб: “Тәкфирчи груплашмалар сырасына гатылан шәхсләрин әсас сәбәби онларын иманларынын зәиф олмасыдыр”.
Шејх Муһәммәд Шәриф даһа сонра тәкфирчиликин диҝәр көкләриндән биринин дә мәһз башга мәзһәб дүшүнҹәләри һаггда әлдә дәгиг мәлуматын олмадығына ишарә едәрәк дејиб: “Тәкфирчиләрин ҝетдији јолу Пејғәмбәрин (с) ҝетдији јол илә, там фәрглидир. Пејғәмбәрин ҝетдији јолда инсанлар дәстә дәстә Ислама дахил олурдулар”.
Шејх Әһмәд Кәфтур Ассамблејасынын кадиби даһа сонра вурғулајыб: “Хырда вә ҹүзи фикир ајрылығы үзәриндә дајанмаг тәкфирчи ҹәрәјанларын ҝедишатыны ҝүҹләндирир. Вә Мүсәлманлары әсас һәдәфдән ајырараг бир-бириләри илә мәшғул едир”.
Диггәт: Хәбәрдән истифадә етдикдә мәнбәјә истинад лазымдыр