Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Тунисин танынмыш алими Әбдүл Гадир Гуһһә “Тәкфирчи вә Екстремист Ҹәрәјанлар Ислам Алимләри Бахышында” үмумдүнја конгресиндә чыхыш едәрәк билдириб: “Тәкфирчилик ҹәрәјаны гәдим ҹәрәјанлардандыр. Узаг кечмишдә дә белә мәфкүрә саһибләри күтәви формаларда Мүсәлманлара гаршы чыхыб, ҹинајәтләр төрәдибләр. Белә ки, Имам Әлијә (әлејһи сәлам) һәкәмијјәт проссесини гәбул етдирән “хәвариҹләр” сонрадан һәзрәти Әлинин (әлејһи сәлам) вә Мүсәлманалрын кафир олдугларына һөкм вердиләр. Бахын тәкфирчилик хәрчәнҝи елә һәмин вахт әмәлә ҝәлди”.
О, даһа сонра дејиб: “Тәкфирчиләр Әһли Тәсәннүнүн бөјүк алимләринин гәбирләринә дә белә рәһм етмәјибләр. Онлар Тунисдә 50 Сүнни алиминин мәзар вә мәгбәрәләрини виран едибләр. Һазырда Ислам аләми үчүн ән хәтәрли үнсүр тәкфирчиләрдир. Биз Мүсәлманлар бир ҹәрҝәдә дајанараг вәһдәтимизи горумалыјыг”.
Әбдүл Гадир Гуһһә Ислами бирликин ваҹиблијинә тохунараг билдириб: “Шиә вә Сүнниләр арасындакы фикир ајдынлыглары ҹүзидир. Биз бир-биримиз илә гардашыг. Биз дуа едирик ки, сүлһ вә сабитлик бир даһа Сурија, Ираг вә Либијаја ҝери гајытсын”.
Диггәт: Хәбәрдән истифадә етдикдә мәнбәјә истинад лазымдыр