Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 23 Нојабр, 2014 тарихдә, Иран Ислам Республикасынын тәшкилатчылығы илә, Мүгәддәс Гум шәһәриндә кечирилән “Тәкфирчи вә Екстремист Ҹәрәјанлар Ислам Алимләринин Бахышында” адлы Үмумдүнја Конгреси өз ишинә башлајыб.
Ислам Дүнјасынын танынмыш Тәглид Мәрҹәси Ајәтуллаһ әл-үзма Насир Мәкарим Ширази вә Ајәтуллаһ Ҹәфәр Сүбһанинин дәвәти илә ҝерчәкләшән сәфәрдә мәгсәд нојабрын 23-24-дә Иран Ислам Республикасынын Гум шәһәриндә “Екстремист вә Тәкфирчи Ҹәрәјанлар Ислам Алимләринин Бахышында” мөвзусунда кечирилән Бејнәлхалг конфрансда иштирак етмәкдир.
Шејхүлислам ИИР-а икиҝүнлүк сәфәри чәрчивәсиндә дүнјашөһрәтли Ислам алими, Ирагын Нәҹәф Елми-Дини Мәркәзинин рәһбәри Ајәтүллаһ әл-үзма Сејјид Әли Систанинин хүсуси нүмајындәси Ајәтуллаһ Сејид Ҹавад Шәһристани илә дә ҝөрүшүб.
Тәдбир чәрчивәсиндә Шејхүлислам Аллаһшүкүр Пашазадә Ајәтуллаһ Мәкарим Ширази илә дә ҝөрүшүб. ГМИ сәдри тәдбирин тәшкилатчысына сәмими гәбула ҝөрә өз миннәтдарлығыны билдириб вә Азәрбајҹан Республикасынын Президенти Илһам Әлијевин саламларыны чатдырыб.
Диггәт: Хәбәрдән истифадә етдикдә мәнбәјә истинад лазымдыр