Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, "Ајна”-"Зеркало” гәзетләринин тәсисчиси вә баш редактору Елчин Шыхлы рәһбәрлик етдији мәтбу органларын фәалијјәтинин бирдәфәлик бағланмасы һаггында гәрар вериб.
Бу барәдә Актуал.аз-а Елчин Шыхлы мәлумат вериб.
О дејиб ки, рәһбәрлик етдији "Ајна”-"Зеркало” гәзетләринин фәалијјәтини мүвәггәти олараг дајандырса да, гәзетләрин јенидән чапы үчүн һәр һансы бир јенилик олмадығына ҝөрә бу гәрары гәбул етмәк мәҹбуријјәтиндә галыб:
"Јахын ҝүнләрдә гәзетләри бирдәфәлик бағламаг һагда елан верәҹәм. Һәтта вәзијјәт о јерә ҝәлиб чатыб ки, журналистикадан бирдәфәлик ҝетмәк һагда да дүшүнүрәм. Чүнки нормал журналистика илә мәшғул олмағын һеч бир мәнасы јохдур. Гој һавалар бир аз сәринләшсин, бејнимиз бир аз раһатлашсын, ҝөрәк башымыза нә иш ҝәлир".
Диггәт: Хәбәрдән истифадә етдикдә мәнбәјә истинад лазымдыр