Суал:
Ислам дүшмәнләринин идеоложи мүһарибәсиндә әсас һәдәфләрдән бири һиҹаб, гадынларын Ислам меjарлары илә ҝеjимидир. Илкин Ислам дөвүрләриндә гадынлар ев либасларынын үстүндән ири парчаjа бүрүнүб вә бәдәнләринин зәрифлиjи нәзәрә чарпмаjыб. Тәәссүф ки, заман өтдүкҹә бу әнәнә арадан галхыб вә мүхтәлиф ҝеjимләр бүтүн бәдәни өртән камил һиҹабын jерини тутуб. Һазырда бәзиләри иддиа едир ки, артыг гара чадранын дөврү кечиб вә бу ҝеjим мәкруһ, диндә бәjәнилмәjән ҝеjимдир. Бәс һәгигәт һарададыр? Дар, jуха, бәдәни ҝөстәрән, рәнҝарәнҝ ҝеjимләр һиҹабдырмы? Алимләрә белә бир суал үнванланыб ки, башга либаслар гара чадранын jерини тута биләрми, доғруданмы гара чадра мәкруһдур?
Ҹаваб:
Аjәтуллаһ Хаменеи:
Бу дүзҝүн сөз деjил вә ән үстүн һиҹаб чадрадыр. Гара чадранын һеч бир еjби jохдур вә бу ҝеjим мәкруһ деjил.
Аjәтуллаһ Тәбризи:
Гадын өз бәдәнини ҝөрүнмәjән шәкилдә намәһрәмдән өртмәлидир. Онун зинәтләри ҝөрүнмәмәлидир. Һәтта зинәт саjылан ҝеjими өртмәси лазымдыр. Чадра илә бәдән вә зинәтләри ән үстүн шәкилдә өртмәк олар. Гара чадра да гара әба кими мәкруһ деjил.
Аjәтуллаһ Беһҹәт:
Гара чадранын мәкруһ олмасы батил сөздүр.
Аjәтуллаһ Сафи Ҝүлпаjигани:
Деjилән сөз дүзҝүн деjил вә онун хеjли фәсады вар. Тәәссүф ки, дөврүмүздә бәзиләри гадынын бәдәнинин ҝөрүнмәсинә апаран иддиалар үзәриндә исрар ҝөстәрирләр. Бу мүнасибәт гадынын шәхсиjjәт вә ләjагәтинин әсасы олан иффәтә зиддир. Бу һәрәкәтләринә Ислам дону ҝеjиндирмәк истәjирләр. Һәл һалда диндә белә бир шеj jохдур.
Аjәтуллаһ Фазил Ләнкәрани:
Гара чадра ән үстүн һиҹаб нөвүдүр. Диггәти ҹәлб едән либаслар ҝеjинмәк һарамдыр.
Аjәтуллаһ Мәкарим Ширази:
Һазырда гадынын һифзи үчүн гара рәнҝ үстүн саjылдығындан бунун мәкруһ олдуғу сүбута jетмәjиб.
Диггәт: Хәбәрдән истифадә етдикдә мәнбәjә истинад лазымдыр