Һазыркы дөвүрдә “фалчылыг”, “рәмл атмаг”, “дуа jазмаг”, “талеjә бахмаг” кими мөвзуларын азәркешләри чохдур хүсуси илә дә, габагдан ҝәлән президент сечкиләри илә бағлы бу мәсәлә ҝизли олса да, ҝенишләнмәкдәдир...
Тәсүфлә геjд етмәлиjик ки, бир чох инсанлар һәтта назирләр белә бу чиркин jолда һәддән зиjадә пуллары хәрҹләмәjә һазырдылар. Вә бу иши һәjата да кечирирләр...
Биз АБНА олараг бу кичик арашдырмамызда Али Тәглид Мәрҹәләринин бу ишә неҹә jанашдыгларыны саjтымызын зиjарәтчиләринә тәгдим едирик:
Суал:
“Дуа jазмаг”, “ҹин тутмаг”, “фала бахмаг” бунлар Ислам Дини тәрәфиндән тәсдигләнирми? Дуа jазмаг мүгабилиндә алынан пулун, һәдиjjәнин һөкмү нәдир? Али ҹәнабын, кифаjәт гәдәр дини савады олмаjан шәхсләрин дуа jазмагла пул газаныб, ҝүнүн кечирәрәк һиjләбазлыг вә афиjорлуг едәнләр һагда нәзәри нәдир?
Али Тәглид Мәрҹәси Аjәтуллаһ Узма Мәкарим Ширази: “Әһли-Беjт (әлеjһимус сәлам) васитәси илә бизә чатан вә мөтәбәр мәнбәләрдә мөвҹуд олан дуаларын jазылмасынын ирады jохдур. Амма дуа jазмағы озүнә пешә сечиб мәнфәәт далыjҹа олмаг дүзҝүн иш деjил. Вә онларын истинад етдикләри китабларын әксәриjjәти етибарсыз мәнбәләрдән әлә ҝәтирилиб. Бу иш (дуа jазмаг) мүмкүн бир иш олса да, лакин шәри бахымдан дүзҝүн саjылмыр. Бу ишлә мәшғул оланларын чоху да jаланчы вә хәтакардыр. Һәмчинин “фалчылыг” да хүрафатдыр вә онун мүгабилиндә пул алмаг да һарамдыр”.
Али Тәглид Мәрҹәси Аjәтуллаһ Узма Сафи Ҝүлпәjгани: “Әһли-Беjт (әлеjһимус сәлам) васитәси илә бизә чатан вә мөтәбәр мәнбәләрдә мөвҹуд олан дуаларын jазылмасы вә онун мүгабилиндә пулун алынмасынын һеч бир ирады jохдур, амма “фалчы”jа, етибарсыз мәнбәләрдән истифадә едәрәк “дуа jазан”а, jахуд “дуаны өjрәдән шәхс”ә мүраҹиәт етмәк һарамдыр вә бу ишин мүгаилиндә пул алмаг да һарамдыр. Аллаһ һәр бир шеjә аҝаһдыр.”
Али Тәглид Мәрҹәси Аjәтуллаһ Узма Әләви Гургани: “Дуа jазмаг шәри бахымдан һарам деjил, лакин “фалчылыг”, “ҹин тутмаг” исә шәриәтдә тәсдигләнмәjиб вә һарамдыр. Бәли геjд етмәлиjик ки, һазырда өлкәмиздә jаjылан вә һиjләҝәр адамларын ән чох истифадә етдикләри иш олан “дуа jазмаг” сөзсүз ки, һарамдыр. Чүнки бу ишлә мәшғул олан инсанларын әксәр гисминин бу һагда кифаjәт гәдәр мәлуматлары jохдур. Бу ишләрин мүгабилиндә алынан пуллар да һарамдыр. Бизләр дә чалышмалыjыг ки, өзүмүзү бу ҹүр инсанларын өһдәсинә гоjмаjаг.”
Али Тәглид Мәрҹәси Аjәтуллаһ Узма Систани: “Дуа jазан инсанлара мүраҹиәт етмәкин ирады jохдур, амма “сеһр”, “ҹаду” илә мәшғул олмаг һарам вә бөjүк ҝүнаһдыр”.
Али Тәглид Мәрҹәси Аjәтуллаһ Узма Систанидән һәмчинин “әлин ичинә бахыб” jахуд “финҹана бахыб фал ачмаг” вә инсанын индики вә ҝәләҹәк заманда башына нәләр ҝәлиб вә бундан сонра нәләр ҝәләҹәк һагда бир шеjләр демәк һагда сорушараг, бу ишләрин шәри бахымдан нә дәрәҹәдә дүзҝүнлүjү, хүсусән дә әҝәр фала бахдыран шәхс фалчынын дедикләринә әмәл етмәсинин һөкмү һагда сорушулан суала белә ҹаваб вериб: “Бу ҹүр ҝәләҹәкдән хәбәр вермәкликин һеч бир шәри етибары jохдур вә фалчы да әминликлә данышмамалыдыр. Фала бахдыранлар да шәри вә әгли дәлилләрин олдуғу jерләрдә бу нөв геjбдән хәбәр верәнләрин сөзләринә әмәл етмәмәлидирләр.
Суал:
“Талеjә бахмагын һөкмү нәдир?”
Али Тәглид Мәрҹәси Аjәтуллаһ Узма Мәкарим Ширази: “Хүрафатдыр, бу ишлә мәшғул омаг да jахшы иш деjил. Һеч ким белә ишләрин далыjҹа ҝетмәмәлидир.”
Али Тәглид Мәрҹәси Аjәтуллаһ Узма Әләви Гургани: “Талеjә бахмаг бәjәнилмир. Бәзи һалларда да һарамдыр. Бу ишин мүгабилиндә алынан пул да һарамдыр.”
Суал:
““Ҝәләҹәjә бахмаг”, “фалчылыг”, “ҝәләҹәкдән хәбәр вермәк”, иланын онурға сүмүкләринә етигад бәсләмәкин һөкмү нәдир? Аjа бу ишләрин мүгабилиндә пул вермәк дүзҝүндүрмү?”
Али Тәглид Мәрҹәси Аjәтуллаһ Узма Имам Хаменеи: “Јалан хәбәр вермәк дүзҝүн иш деjил вә бу ишин мүгабилиндә алынан пул да шәри бахымдан һарамдыр”.
Али Тәглид Мәрҹәси Аjәтуллаһ Узма Мәкарим Ширази: ““Дуа jазмаг” вә “фала бахмаг” һалал пешә деjил. Онлара (фалчы вә дуа jазана) мүраҹиәт етмәк һарамдыр. Бу ишләрин мүгабилиндә алынан пуллар да һарамдыр.”
Али Тәглид Мәрҹәси Аjәтуллаһ Узма Систани: “Шәри бахымдан бу мөтәбәр иш деjил. Вә әҝәр бу ишдә әгли бир мәнфәәт оларса бу сүрәтдә бу иш мүгабилиндә пул вермәjин еjби jохдур”.
Али Тәглид Мәрҹәси Аjәтуллаһ Узма Вәһид Хорасани: ““Каһинлик” һарам пешәдир. Бу пешә васитәси илә газанылан пуллар да һарамдыр. “Каһинлик” jәни ҝәләҹәкдән елә бир формада хәбәр вермәк ки, диҝәрләри ҝүман едир ки, бу хәбәри “каһин”ә бәзи ҹиннләр хәбәр верир.”
Диггәт: Хәбәрдән истифадә етдикдә мәнбәjә истинад лазымдыр