Әһли Беjт (әлеjһимус сәлам) -АБНА- Хәбәр Аҝентлиjи- Иран Ислам Республикасында jашаjан вә Вәһабилик фиргәсинин танынан сималарындан бири олан Салман адлы шәхс ҝөзләнилмәз һалда шиәлики гәбул едиб. Бу һагда о, Мүгәддәс Гум шәһәриндән jаjымланан Нур ТВ каналында данышыб.
Сүнниләрин мөвләвиси (руһаниси) олан Сәлман, шиәликдән өнҹә 500-1000 нәфәр арасы сүннини вәһаби фиргәсинә чәкдиjини дә билдириб.
О, неҹә һидаjәт олараг, Шиә олмасыны белә ачыглаjыб: “Бир Шиә jениjетмәjә 60-а jахын китаб вердим ки, өз әгидәмә чәким, ама китаблар онда тәсир гоjмады.
Бир ҝүн о jениjетмә мәнә деди ки, “сәнин 60-а jахын китабларыны алыб охумушам, инди мәним сәндән бир хаһишим вар. Биз Имам Һүсеjн (әлеjһис сәлам) үчүн мәрасим кечиририк ҝәл орда иштирак ет.”
Мүһәррәм аjы дахил олду. Мән һәр ҝүн бир бәһанә ҝәтирәрәк мәҹлисдә иштирак етмәкдән имтина едирдим. нәһаjәт Ашура ҝүнү чатды, ҝөрдүм артыг алынмыр, сөз вермишәм мүтләг мәҹлисә ҝедиб иштирак етмәлиjәм. Икимиз бирликдә мәҹлисә ҝетдик. Мән әлимдә тәсбеһлә Аллаһдан бу мәҹлисә ҝәлдиjимә ҝөрә истиғфар едиб, бағышланмамы диләjирдим...
Ҝөрдүм мәҹлисдә сөһбәт едән хәтиб бу сөзләри деjир: “Аj ҹамаат! Һансыныз Аллаһа вә онун дининә ҝөрә өз ҹанындан ки, һеч намусундан кечәр, баҹысы бу jолда силләләнәр, үч jашлы ушағы вәфат едәр?.. Һүсеjн (әлеһис сәлам) буну етди.”
Өз-өзүмә дедим, “әҹәба, Һүсеjн ибн Әли (әлеjһимәс сәлам) нә бөjүк адам имиш!...”. Өзүмә ҝәлдикдә исә, Имам Һүсеjнин (әлеjһис сәлам) мәзлумлуғу үчүн ағлаjараг, узун саггалымдан ҝөз jашларынын ахдығыны ҝөрдүм. Вә һәмин ҝеҹә дә Әһли-Беjт (әлеjһис сәлам) әгидәсини гәбул етдим.
Бир мүддәт кечди. Атам бу хәбәри ешитдикдә, Шиә олмамағым үчүн мәнә ев алаҹағыны, машын верәҹәjини бүтүн арзуларымын һәjата кечирәҹәjини вәд етди. Һәтта билдирди ки, “Сәлман шеjтанпәрәст ол, амма шиә олма”.
Дедим: “Атаҹан мән артыг өз jолуму тапмышам...”
Бир ҝүн һесабымдакы пулларын бошалдығыны, мал-мүлкүмүн әлимдән алындығыны ҝөрдүм. Һәjат jолдашыма дедим ки, мән Урмиjәjә ишләмәк үчүн ҝедирәм. Гапыны ачдым, ешикә чыхдым, аиләм мәни өтүрмәк үчүн архамҹа ҝәлирди... Күчәнин башында атам бир нечә нәфәрлә jолуму кәсәрәк, мәнә “Һара ҝедирсән?” дедиләр. Мән онларын ҹавабында дедим: “Сиз дә бабаларыныз кими jол кәсирсиниз?” (Админ: Ишарә едир Имам Һүсеjнин Күфәjә ҝетмәсинә. Ибни Зиjад (әлеjһи ләнәтулаһ) Јәзидин (ләнәтуллаһи әлеjһ) ҝөстәриши илә Имам Һүсеjнин (әлеjһи сәлам) Күфәjә ҝетмәсинин өнүн кәсмишдир).
Атам: “Јолундан дөнмәjәҹәксәнми?”
Мән: “Хеjр”
Атам дәjәнәклә башыма ҝүҹлү зәрбә ендирди вә мән өзүмдән ҝетдим. Һушуму итирдим. Атам вә әтрафындакылар башымы кәсмәк үчүн бычагы боjнума даjыjыблар, амма неҹә олубса башымы кәсмәjибләр. Лакин голумдакы дамарлары үч jердән доғрамышлар...
Өзүмә ҝәлдикдә чохлу ган итирмишдим вә һамилә ханымымын да дөjүлдүjүнү, зәрбәләр нәтиҹәсиндә өвладыны итирдиjини ешитдим... Еһ... Биз һара? О кәски өз ҝөзләри илә бүтүн һадисәләри мүшаһидә етди һара?... Мән ки һушдан ҝетмишдим, ҝөрмәдим, һәjат jолдашым ки, һәзрәти Зәһра деjилди... (Админ: Һәзрәти Ханым Фатимәjи Зәһранын (сәламуллаһи әлеjһа) сәгифә һадисәсиндән сонра, Өмәр, Гонфоз, Муғеjрә олмагла бәзи сәһабәләр тәрәфиндән дөjүләрәк, алдығы зәрбәләр нәтиҹәсидә бәтниндәки Мөһсүн (әлеjһис сәлам) адлы алты аjлыг оғлан ушағынын итирдиjи һадисәjә вә бүтүн бу ағрылы һадисәләрин шаһиди олан Имам Әли (әлеjһис сәлам) ҹәнабларына ишарә едир).
Бу зәрбәләрдән сонра данышығымда кәкәләjирәм... Һәкимләр бир даһа өвлада саһиб ола билмәjәҹәjимизи дедикдән сонра исә Гум шәһәринә ҝетдик. 70 ҝеҹә Ҹәмкәран Мәсҹидиндә ибадәтлә мәшгул олуб картон үзәриндә jатырдыг... Бир ҝүн Ханым Зәһраjа (сәламуллаһи әлеjһа) тәвәссүл едиб ағлаjа-ағлаjа дедим: “Ја Зәһра! Бизим бүтүн бу чәкдикләримиз сәнин һәjат jолдашынын вилаjәтинә ҝөрә олду. Биз өвлад саһиби олмаг истәjирик.”
Бир мүддәтдән сонра исә һәjат jолдашымда һамиләлик әламәтләрини мүшаһидә етдим. лакин доғума 15 ҝүн галмыш һәкимләр бу ушағын 700 грам олдуғуну вә дүнjаjа ҝәләҹәjи тәгдирдә белә өләҹәjини билдирдиләр. Евә ҝәлдик, jолдашым ҝеҹә дәрман атыб jатды, мән исә һәзрәти Әлинин (әлеjһис сәлам) мәзлумиjjәтинә ағладым... Јолдашым ҝеҹә jарысы jаныма ҝәлиб деди: “Јухуда бир ханым ҝәлди jаныма вә деди ки, “Мәни таныjырсан? Мән пеjғәмбәр гызы Зәһраjам (әлеjһа сәлам)... Өвладынызы биз горуjаҹағыг.”
Көрпә дүнjаjа ҝөз ачдыгда, 2кг.800 грам иди...
Мән, гызымын адыны Фатимә гоjдум. Чүнки бу һагда һәдис варымыздыр ки, "Гызынызын адыны Фатимә гоjсаныз ону һеч вахт вурмаjын, үстүнә гышгырмаjын. Чүнки пеjғәмбәрин гызы Фатимәни (әлеjһа салам) чох вурдулар, үзәринә гышгырдылар...”
Верлишин апарыҹысы: Сәлман! Ҝөзләриндә jуварланан ҝөзjашларына хатир Әлиjу Муртәзанын (әлеjһи сәлам) Шиәләри үчүн дуа ет... Сән биздән чох фәрглисән... Мән дәфәләрлә демишәм: “Биз Шиә олдуғумуз үчүн бир дәфә дә олсун гулагардымыза силлә дәjмәjиб, һеч ким башымыза гышгырмаjыб...”
Диггәт: Хәбәрдән истифадә етдикдә мәнбәjә истинад лазымдыр