Суал:
Салам, мән Бакыда кредит тәшкилатында, кредит мүтәхәссиси вәзифсиндә чалышырам. Исламда фаизин һарам олдуғуну нәзәрә алараг суал верирәм ки, мәним алдығым әмәк һаггы һарамдырмы вә ән әсасы индики шәраитдә нә дәрәҹәдә бөјүк ҝүнаһды?
Ҹаваб:
Вә әлејкә салам. Илк өнҹә суалыныздакы бәзи мәгамлара ајдынлыг ҝәтирмәк истәрдик: Даһа ҝөзәл оларды ки, 1- Вәзифәниз вә тәшкилатынызын ишләри һаггда кифајәт һәддә изаһ верәјдиниз. 2- Исламда фаиз јалныз ики јердә һарамдыр (1)- Борҹ мәсәләсиндә. (2)- Тәрәзи, пејманә вә литр мәсәләләриндә. Буна ҝөрә дә нисјә алгы-сатгы Исламда һарам сајылмыр. Јәни инсан малыны нәгд сатдыгда фәрз едәк 100 маната сатырса, һәмин малы нисјә бир вә ја ики аја сатдыгда 110 маната сатарса бу иш һалалдыр.
Амма үмуми ҹаваб олараг дејә биләрик ки, шәри бахымдан һарам олан мүамиләлләрлә һеч бир әлагәси олмајан бир ишдә ишләмәк вә ја әмәк һаггы алмағын һеч бир ејби јохдур.
Һәмчинин һәм сәләмли һәм дә сәләмсиз мүамилә нөвләри мөвҹуд олан тәшкилатда ишләмәкин ејби јохдур. Лакин сәләмли мүамиләләрлә әлагәдар олан ишләрин иҹра едилмәси вә онун мүгабилиндә әмәк һаггынын алынмасы һарамдыр. Амма һәмин тәшкилатын диҝәр шөбәләриндән алынан әмәк һаггына ҝәлдикдә исә, алдығы пулларын ичәрисиндә һарам малын олдуғуну билмәдикдә ону алмағын ејби јохдур.
Аллаһ аманында. Аллаһ бизи һалал рузи ардыјҹа олан зүмрәдән гәрар версин. Амин.
Диггәт: Хәбәрдән истифадә етдикдә мәнбәјә истинад лазымдыр