Суал:
Салам. Мән гүсл алмаздан әввәл әввәлҹә физики тәмизлик үчүн душ гәбул едирәм (јәни сабунла шампунла јујунурам тәмизләнирәм). Сонра душу бағлыјырам вә јенидән сују ачырам вә башлыјырам гүсл алмаға, лакин мәним вүҹудум һәр јери јаш олур гурунмамыш гүсл алырам.
Хаһиш едирәм мәнә ҹаваб јазын ки мәним гүсулум дүзҝүн сајылырмы?
Азәр
Ҹаваб:
Әлејкә Сәлам вә Рәһәмәтуллаһи вә Бәрәкатуһ.
Сизин вердијиниз гүсул доғру вә дүзҝүндүр. Лакин даһа әтрафлы изаһ үчүн билдиририк ки, гүслун ики нөв вермәк гајдасы вар. 1-Тәртиби. 2- Иртимаси.
1- Тәртиби гүсл: Илк өнҹә нијјәт етдикдән сонра баш (вә бојун) наһијјәсини јумаг, сонра бәдәнин сағ тәрәфин (арха вә габаг наһијәни), даһа сонра сол һиссәни (габаг вә арха наһијәни) јумаг лазымдыр. Гејд едәк ки, тәртиби гүсл вердикдә бәдәнин мурдарланмыш јерләрини өнҹәдән јумаг ваҹиб дејилдир. Чүнки бу иши инсан гүсл вердикдә дә едә биләр. Душда верилән гүсул, тәртиби гүсулдур.
2- Иртимаси гүсл: Өнҹә инсан бәдәнин мурдара буланмыш јерләрини јујуб тәмизләмәли даһа сонра нијјәт едәрәк сујун ичинә ҝириб ејни вахта бүтүн бәдәнини ислатламалыдыр. Дәнизләрдә, чајларда вә су һовузларында, һәмчинин ванналарда (әҝәр кифајәт гәдәр инсанын бүтүн әндамыны әһатә едә биләрсә) верилән гүсуллар Иртимаси гүсул адланыр.
Диггәт: Хәбәрдән истифадә етдикдә мәнбәјә истинад лазымдыр