Суал:
Салам Әлејкүм. Имам Мәһди ҹәнаблары (Аллаһ онун шәрафәтли зүһуруну тезләшдирсин) евлидирми? Ушаглары вармы?
Фатиме.
Ҹаваб:
Әлејки Салам вә Рәһмәтуллаһи вә Бәрәкату
Рәвајәтләрдә Имам Заман ҹәнабларынын (Аллаһ онун шәрафәтли зүһуруну тезләшдирсин) Гејбәт Дөврүндә евләнмәси барәдә һеч бир изаһ верилмир (јәни нә Имамын евләнмәсини вә ушагларынын олмасыны тәсдиг едир нә дә ки, инкар едир). Лакин бәзи һәдисләр, Имам Мәһди һәзрәтләринин (Аллаһ онун шәрафәтли зүһуруну тезләшдирсин) Зүһур едәҹәји вахтда евләниб вә ушагларынын олмасына дәлаләт едир.
Амма биз әҝәр, Ислам Дининдә евләнмәклијин нә дәрәҹәдә мүстәһәб, бәјәнилән бир әмәл олдуғуну вә субај галмағлын һансы дәрәҹәдә гынанылдығыны нәзәрә алсаг, онда белә бир гәнаәтә ҝәлә биләрик ки, Имам Заман һәзрәтләри (Аллаһ онун шәрафәтли зүһуруну тезләшдирсин) һал һазырда евлидир вә ушаг саһибидир. Вә бәзиләринин тутуглары ирад (евләнмәклик, Имам Заманын һәзрәтләринин (Аллаһ онун шәрафәтли зүһуруну тезләшдирсин) Гејбәт Дөврүндә сирринин ифша олмасына сәбәб олан бир ишдир. Белә ки, онун һәјат јолдашы вә јахуд өвладлары Имамын һарада олдуғунун сиррини ача биләр) јерсиздир. Чүнки, мүмкүндүр Имам Заман һәзрәтләринин (Аллаһ онун шәрафәтли зүһуруну тезләшдирсин) һәјат јолдашы вә өвладлары, о, һәзрәтин Хас Наибләри кими там иффәтли, сирр сахлајан вә мөмүн бир инсан олсунлар.
Сонда гејд етмәк истәрдик ки, вердијиниз суал, Үсули Диндән (Динин Әсаслары) дејил мәһз Үсули Мәзһәбә (Мәзһәб Әсаслары) аиддир. Бу ики әсасын фәрги ондадыр ки, Үсули Динә аид һәр һансы бир бәнди таныјыб өјрәндикдән сонра инкар едән шәхс, (мәсәлән Һиҹаб мәсәләси. Әҝәр бир кәс Һиҹабын Гурани Кәримдә ҝәлдијини билә-билә инкар едәрсә, јахуд ону ҝерилик әламәти вә мүасир дөврана зидд олдуғуну дејәрсә) кафир, мүрттәд вә јахуд мүшрик адланыр вә диндән чыхмыш сајылыр. Амма Үсул Мәзһәби кимсә инкар едәрсә, Ислам Дининдән чыхмыр вә әввәлки кими Мүсәлман сајылыр. Мәсәлән Рәҹәт (јәни: Һәгиги мөмин инсанларын вә кафирләрин башчылар Гијамәт ҝүнүндән өнҹә, Имам Заман һәзрәтләринин Зүһур едәҹәји вахт, јенидән дириләрәк ҝеријә, бу дүнјаја дөнәҹәкләр. Мөмүнләр Имамын дәстәсинә гошулаҹаг, кафирләрин башчылары исә ҹәзаландырылаҹаглар) мәсәләси. Әһли-Бејт мәктәбинин давамчылары вә Ҹәфәри Мәзһәбинә табе оланлар Рәҹәтә инаныр вә ону әгидә мәсәләсиндән сајыр, Гуран вә Һәдисләрдән буна дәлил ҝәтирирләр. Амма Сүнни гардашларымыз исә бу мәсәләни әгидәләриндән һесаб етмирләр.
Диггәт: Хәбәрдән истифадә етдикдә мәнбәјә истинад лазымдыр