Суал:
Бисмиллaһ
Сәламун әлејкум. Мән Аллаһын көмәклији илә алә гурмаг истәјирәм. Амма евләнмәк истәдијим ханымын валидејнләри разы дејил. Нә етмәлијик? Ханым да мән дә бир-биримизи севирик. Бу ифадәмә ҝөрә үзүр истәјирәм.
Ҹаваб:
Вә Әлејкә Сәлам вә Рәһмәтуллаһ
Евләнмәјин бир нечә шәрти вардыр. Әсас Шәртләрдән биридә, оғланла гызын бир-биринә тај олмасы вә мәһз гызын валидејинләринин (јәни Атасы вә ја Бабасы) иҹазәсидир.
Гыз илә оғланын бир-биринә тај оламалары бүтүн саһәләри еһтива едир. Ән башлыҹасы да дин, мәзһәб, әхлаг вә иман бахымындан бир олмаларыдыр.
Гызын валидејнләринин иҹазәси исә, бир сүрәтдә лазым дејилдир. Ода әҝәр гызын севдијни оғлан Иман әһли оларса вә гызын атасы ону бу оғлана дејил, башга бирисинә ки, намаз әһли дејил вермәк истәјәрсә бу сүрәтдә гыз валидејнин сөзүнә бахмаја биләр.
Ислам Пејғәмбәриндән (сәлләлаһу әлејһи вә алиһ) нәгл олунан рәвајәтдә дејилир ки, “Елчилијә ҝәлән оғланын әхлаг вә дининдән хошунуз ҝәләрсә, гызы она верин. Әҝәр белә етмәсәниз, фитнә вә фәсад јер үзүн бүрүјәр” (Нәһҹүл Фәсаһә: Һәдис 247).
Һансы ханымла евләнмәк лазымдыр
Ислам Пејғәмбәриндән (сәлләлаһу әлејһи вә алиһ) бујурур: “Гадынла 4 истәкдән өтрү евләнирләр: 1- Мал вә сәрвәтинә ҝөрә. 2- Ҝөзәллијинә ҝөрә. 3- Диндар олдуғуна ҝөрә. 4- Аиләсинин әсли-нәҹабәтинә ҝөрә. Сән исә диндар гадынлар илә евлән”
(Кәнзүл Үммал. Һәдис 44602)
Имам Садиг (әлејһис сәлам) ҹәнаблары евләнмәк истәјән Давуд Кәрхи адлы шәхсә бујурду: “Вүҹудуву һараја гојаҹағын барәдә дүшүнмүсән? Гадын һәјатын зәнҹиридир, диггәтли ол ки, өзүвү һараја зәнҹирләјирсән, гадынларын истәр јахшысы истәрсә дә писләри үчүн өлчү ваһиди вә гијмәти јохдур. Јахшы гадын һеч заман гызыл вә ҝүмүшлә гијмәтләнә билмәз, чүнки о, гызыл вә ҝүмүшдән дә гијмәтлидир. Пис гадын да торпагла өлчүлә билмәз, чүнки торпаг пис гадындан да, гијмәтлидир.
Әҝәр киши, гадынын ҝөзәллији вә јахуд сәрвәтинә ҝөрә онунла евләнәрсә, јалныз ханымын ҝөзәллији вә ја сәрвәти она һәвалә олунар (админ: јәни киши аилә һәјатынын хошбәхтчилијини һеч заман дујмаз...). Амма әҝәр гадынын диндарлығы вә јахуд хүсуси бир фәзиләтли хасијјәтинә ҝөрә онунла евләнәрсә, Аллаһ (Ҹәллә Ҹәлалуһ) о, гадынын һәм ҝөзәллијини һәмдә сәрвәтини она верәр.”
Ҹаван оғланын евләнмәк мәсәләсиндәки истәкләринә һөрмәтлә јанашмаг лазымдыр
Бир шәхс дејир: ИмамСадиг (әлејһис сәлам) ҹәнабларына әрз етдим: Мән истәдијим гызла евләнмәк истәјирәм лакин валидејнләрим мәни башга бир гызла, өз истәдикләри бир ханымла мәни евләндирмәк истәјирләр. Имам (әлејһис сәлам) бујурду: “Өзүн истәдијин ханымла евлән вә валидејнләривин истәдикләри илә евләнмә (админ: Әлбәтдә бу о сүрәтдәдир ки, оғланын севдији ханым позғун вә наәһл адам олмаја).” (адрес: һттп://амиремоменин.персианблоҝ.ир/пост/374)
Амма һәр бир һалда гызын валидејнләри разы салынмалыдыр. Вә бунун бир чох јоллары вар. Бири гызын валидејнләри илә вәсатәт етмәк, диҝәри дә Намаз гылыб Аллаһдан истәмәкдир. Мисал олараг Фатимәји Зәһраја (сәламуллаһи әлејһа) олунан истиғасә намазын ҝәтирә биләрик.
Истиғасә Намазы: Ики рәкәт намаз гылырсыз (Нијјәт: Һәзрәти Зәһраја (сәламуллаһи әлејһа) истиғасә намазы гылырам).
Намаздан сонра үч дәфә Аллаһу Әкбәр дејирсиз.
Сонра Ханым Фатимәнин зикрин едирсиз (34 дәфә Аллаһу Әкбәр, 33 дәфә Сүбһанәллаһ, 33 дәфә Әлһәмдулиллаһ).
Даһа сонра алнывызы мөһүр үзәринә гојуб (даһа јахшы олар ки Кәрбала мөһүрү олсун) 100 дәфә: “Ја Мөвлати Ја Фатимә Әғисини” (јәни: Еј мәним Мөвлам! Еј Фатимәји Зәһра (сәламуллаһи әлејһа)! Көмәјимә ҝәл)дејиб, сонра сағ јанағывы мөһүрә гојуб 100 дәфә һәмин зикри дејиб, сонра сол јанағы мөһүр үзәринә гојуб 100 дәфә һәмин зикридејиб, сонда бир даһа алнывызы мөһүрә гојара 110 дәфә (јүз он дәфә) “Ја Мөвлати Ја Фатимә Әғисини” дејәрәк ахырда Аллаһдан өз истәјивизи диләјирсиз. Даһа јахшы олар ки бу зикирләри едә-едә Аллаһдан өз һаҹәтивиз истәјәсиз.
Пәрвәрдиҝара бүтүн Мүсәлманларын проблемләрин хүсуси илә дә аилә проблемләрини Ханым Зәһраја (сәламуллаһи әлејһа) хатир һәлл ет. Амин
Аллаһ аманында.
Диггәт: Хәбәрдән истифадә етдикдә мәнбәјә истинад лазымдыр