Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Республикасына башағры вә рүсвајчылыгдан башга бир шеј бәхш етмәјән бәднам “евровисион 2012” фәсад мүсабигәсиндән сонра Азәрбајҹан Республикасы Президент Администрасијасы рәһбәринин нәһајәт дүрүст сәрәнҹамы илә “Муғам аләми” Үчүнҹү Бејнәлхалг Муғам Фестивалынын кечирилмәсинә даир тәдбирләр планы” тәсдиг едилиб. Сәнәддә мүвафиг дөвләт гурумларына фестивал чәрчивәсиндә “Азәрбајҹан муғамларында вә Шәргин охшар әнәнәви жанрларында мусиги аләтләринин ролу” мөвзусунда Бејнәлхалг елми симпозиумун, муғамын соло вә инструментал ифалары үзрә республика вә бејнәлхалг мүсабигәләрин тәшкили вә кечирилмәси илә бағлы мәсәләләри һәлл етмәк барәдә мүвафиг тапшырыг верилиб.
Һәмчинин фестивал чәрчивәсиндә кечириләҹәк тәдбирләрдә Азәрбајҹан елми вә мәдәни иҹтимаијјәти нүмајәндәләринин, еләҹә дә ҝәнҹләрин иштиракынын тәмин олунмасы, фестивалын кечириләҹәји јерләрин мүәјјәнләшдирилмәси вә тәртибаты, рәсми ачылыш вә бағланыш мәрасимләринин тәшкили, фестивалла әлагәдар чап вә реклам материалларынын (програмлар, буклетләр, дәвәтнамәләр вә с.) һазырланмасы да тәдбирләр планына дахил едилиб. Ејни заманда, фестивалын хариҹи иштиракчыларынын Азәрбајҹан Республикасына ҝәлмәләри үчүн ујғун шәраитин јарадылмасы, о ҹүмләдән визаларын рәсмиләшдирилмәсинин сүрәтли тәмин олунмасы, фестивал чәрчивәсиндә кечириләҹәк “Азәрбајҹан муғамларында вә Шәргин охшар әнәнәви жанрларында мусиги аләтләринин ролу” мөвзусунда Бејнәлхалг елми симпозиумун ишиндә тәрҹүмәнин тәшкили вә иҹлас залларынын мүвафиг зәрури аваданлыгла тәмин едилмәси үчүн аидијјәти гурумлар мүәјјәнләшиб.
Фестивалын јерли вә хариҹи күтләви информасија васитәләри тәрәфиндән ишыгландырылмасына шәраит јарадылмасы, Бакы шәһәриндә фестивала даир мүвафиг мәлумат лөвһәләринин гурашдырылмасы, нәглијјат, реҝионларда консертләрин тәшкили мәсәләләрини һәлл етмәк дә мүвафиг гурумлара тапшырылыб.
Диггәт: Хәбәрдән истифадә етдикдә мәнбәјә истинад лазымдыр