Суал:
САЛАМ! Бәзи инсанлар намазын ахырында тәшәһүддән сонра саламлары дејәндә башыны саға вә сола дөндәрир. Бәзиләри чох дөндәрир, бәзиләри исә ҹүзи мигдарда. Аз вә чох дөндәрмәјин мәнасы нәдир? Үмумијјәтлә шәри гајдада бу баш дөндәрмәләрин нә һөкмү вар? Бу һалларын нә бир ишғалы вар?
Тәшәккүр едирәм. АЛЛАҺ һамымызы өз пәнаһында сахласын ИНШАЛЛАҺ.
Ҹаваб:
12 Имам Шиәләрин Фигһинә әсасән, јалныз Мәсумларын ҝөрдүкләри иш, дедикләри сөз вә онларын сүкутлары илә, һәр һансы бир сөз вә ја иши тәјид етмәләри, бизим үчүн һөҹҹәт вә дәлил ола биләр. Бу сәбәбдән, гејримәсумларын һәтта мүҹтеһидләримизин ҝөрдүкләри иш, бизим үчүн дәлил ола билмәз. Амма мүҹтеһидләримизин вердикләри фәтва вә һөкүмләр исә бизим үчүн дәлил вә һөҹҹәтдир. Ҝәрәк онларын фәтваларына табе олаг. Елә бу сәбәбдән дә бизим Мәсумларымыз намаз гыларкән саламдан сонра башларыны саға вә ја сола дөндәрмәмишләр. Вә Әһли-Бејт (әлејһимус сәлам) фигһиндә белә бир ишин әсасы јохдур.
Бәли, бизим динимиздә дејилир ки, намаз гылан шәхс, әҝәр ҹамаат намазында иштирак етмәдән, намазыны тәк гыларса, мүстәһәбдир ки, намазын сонунда салам дејән заман, ҝөзү илә гибләјә ишарә едәрәк (јәни гибләјә бахараг) саламы десин. Вә әҝәр намазыны Ҹамаат илә бирҝә гыларса, бу заман намазын сонунда салам дејән заман (саламдан сонра јох, мәһз саламы дејән заман), мүстәһәбдир ки, үзү гибләдән дөнмәдән ҝөзү илә сағ вә сол тәрәфинә ишарә едәрәк саламы десин (әҝәр һеч ким онун сағ вә солунда вә ја бир тәрәфиндә јохдурса һәмин сәмтә ишарә етмәјәҹәкдир), Имам (пишнамаз) да саламлары дедији ан ејни илә мәмум (пишнамазын архасында дуруб она игтида едәрәк намаз гылан шәхс) кими едир.
Аллаһ (ҹәллә ҹәлалуһ) биз һаммымызы Имам Заманын (Аллаһ онун шәрәфли зүһуруну тезләшдирсин) лаигли әскәрләриндән гәрар версин. Амин!
Диггәт: Хәбәрдән истифадә етдикдә мәнбәјә истинад лазымдыр