Әһли Бејт -АБНА- хәбәр аҝентлији- О заман ки, ҝүнаһ фикри сизә һүҹум едир, ону јеринә јетирмәјин. Бәлкә Аллаһа пәнаһ апарараг вә Аллаһа тәвәккүл едәрәк, шејтанын бу тәләсиндән хилас олун.
Инсанын фикирләри бир автомобилә бәнзәјир. Әҝәр контрол олмаса, мүмкүндүр ки, һәр јерә ҝедиб чыхсын. Анҹаг маһир бир сүрүҹү ону дүз јолда һәрәкәт етдирә биләр вә мәнзилә чатдырар. Фикирләринизи һидајәт етмәк вә контрол етмәк үчүн чохлу сәј етмәк лазымдыр ки, инсан шејтанын вәсвәсәсинә дүчар галмасын. Әҝәр инсан налајиг фикирләринин тәсирләринә диггәт етсә, фикирләрини дүзҝүн истигамәтә һидајәт едәҹәкдир.
Имам Садиг (ә) бујурур: “Аллаһы анҹаг бу сөзләрлә тәсбиһ етмәк олмаз: “Сүбһәлаллаһ вәлһәмдулилләһ вә лә иләһә иллләллаһ вә Аллаһу әкбәр”. Аллаһын зикри одур ки, әмр етдији һәр бир әмрини јеринә јетирәсән, гадаған етдији ишләрдән чәкинәсән”.
Аллаһы чохлу зикр етмәк - дүшмәни дәф едәр. Белә ки, Иблис өзүнүн дахили вә хариҹи ордусу илә инсан гәлбинин һәрәминә нүфуз етмәкдәдир. Давамлы зикр васитәсилә онун вәсвәсәсини дәф етмәк олар.
Имам Садиг (ә) бујурур: “О кәс ки, ҝүнаһ фикринә дүшәр, ону јеринә јетирмәсин. Бәндә Аллаһын һүзурунда ҝүнаһа батар вә Аллаһ Тәала бујурар: “Иззәт вә Ҹәлалыма анд олсун ки, бундан сонра сәни бағышламајаҹағам””.
О кәс ки, өзүндән гафил олар, шејтан ондан гафил дејилдир. Она ҝөрә дә инсан ҝәрәк өзүнүн һесабыны апарсын. Имам Садиг (ә) бујурур: “Шејтан бәндәни вәсвәсә етмәк габилијјәтинә малик дејилдир. Мәҝәр о һалда ки, Аллаһы јада салмагдан ону сахлајар вә әмрләрини јүнҝүл тәҹәлли етдирәр. Әмрләрини јеринә јетирмәмәси үчүн үч чевирәр вә Аллаһын онун сирләриндән аҝаһ олдуғуну јадындан чыхардар”.
Һәзрәт (ә) башга јердә бујурур: “О заман ки, шејтан инсана вәсвәсә едәр ки, јолундан аздырсын вә Аллаһы јаддан чыхартсын, ондан Аллаһа пәнаһ апар. О, һаггын батилә галиб ҝәлмәсинә көмәк едәр, мәзлума јардым едәр. Неҹә ки, Өзү бујурур: “Шејтан мөминләрә вә Аллаһа тәвәккүл едән инсанлара султанлыг етмәз””.
Имам Әли (ә) бујурур: “Шејтанын һүҹум етмәси үчүн ән јахшы фүрсәт о замандыр ки, кимсә егоистлик, тәкәббүр... кими ҝүнаһларын вәсвәсәсинә дүчар олмушдур. Башгаларынын ону тәрифләмәсини вә мәдһ етмәсини севәр”.
Она ҝөрә дә мөмин ҝәрәк даима Аллаһы хатырласын вә Ону јаддан чыхартмасын. Белә олан һалда Аллаһ хофу бәдәнини бүрүјәр вә гәлбини јумшалдар вә батинини арам едәр.
Аллаһы јада салмаг вә Она сығынмаг - шејтан тәләсиндән гуртулмағын ән јахшы јолудур. Һәр бир заман вә һәр бир јердә Аллаһ вардыр. Һеч бир дил Аллаһы јада салмагдан дајанмамалыдыр. Бәшәрин еһтијаҹы даимидир. Бу еһтијаҹлары дәф етмәјин ән јахшы јолу - Аллаһы јада салмагдыр. Әҝәр бу фүрсәтләрдән истифадә едилмәзсә, һәсрәтдән башга инсан үчүн бир шеј галмаз.
Зикр әҝәр гәләм вә ја дил илә оларса, салеһ әмәл олар. Анҹаг гәлб зикри бүтүн әзалардан шәрәфлидир. Она ҝөрә дә онун зикри - Аллаһын зикридир.
Имам Садиг (ә) бујурур: “О кәс ки, чохлу зикр едәр, Аллаһ она беһишт көлҝәсиндә јер верәр”.
Беләликлә дејә биләрик ки, о заман ки, шејтан гәлбимизә һүҹум едир, бизә налајиг фикирләри тәлгин едирсә, Аллаһа пәнаһ апараг, Ону хатырлајаг, Она тәвәккүл едәк вә чохлу зикр едәк.
Диггәт: Хәбәрдән истифадә етдикдә мәнбәјә истинад лазымдыр