Суал:
Салам Әлејкум. Дәҹҹал тәкҝөз олаҹаг? Әбу Суфјан кимдир? онлар неҹе ҝелеҹек? Хусусијјәтләри нәдир?
Ҹаваб:
Әлејкум Салам вә Рәһмәтуллаһ. Габагҹадан сиздән, суалыныза ҝеҹ ҹаваб јаздығымыз үчүн үзүр истәјирик.
Бәзи рәвајәтләрә ҝөрә, Имам Заман Ағанын (әҹҹәләллаһу фәрәҹәһу шәриф) зүһурунун әламәтләриндән бири дә “Дәҹҹал” адлы бир шәхсин гијам едәҹәјидир. О, Тағутдјр (Аллаһа үсјан едәнин бирисидир). Чох һијләҝәрдир, бир чох инсан күтләсин јолдан чыхардаҹаг.
Тәглид Мәрҹәси Ајәтуллаһ Сафи Ҝүлпәјгани Имам Заман (әҹҹәләллаһу фәрәҹәһу шәриф) һәзрәтләри барәсиндә јаздығы “Мүнтәхәбүл Әсәр” китабынын үчүнҹү ҹилдиндә Дәҹҹал барәсиндә ҝәлән һәдисләри тәдгиг етмишдир. Ајәтуллаһ Ҝүлпәјгани бу һәдисләри 3 гисмә бөлүр:
1- Јаланчы һәдисләр.
2- Шүбһәли һәдисләр.
3- Сәһиһ вә доғру һәдисләр.
Әһли Сүннә Дәҹҹалын гијам етмәсини зүһүрүн Һәтми (Мүтләг баш веәҹәк) әламәтләрдән сајырлар. Лакин Шиәләр исә Дәҹҹалын ҝәлишини гејриһәтми (ола билсин баш версин, ола билсин баш вермәсин) әламәтләрдән сајырлар.
Дәҹҹалын ады
Бәзиләри онун адын “Саид бин Сәјд” вә јахуд “Сәјад” дејир, бәзиләри исә бу нәзәријјәни гәбул етмир.
Билдирәк ки, Дәҹҹал сөзү әрәб кәлмәсидир, лүғәтдә “Чох јалан данышан”а дејилир. Вә зәр-зивәр вә ҝөз гамашдырыҹы вәдләр илә инсанлары алдадана Дәҹҹал дејилир. Инҝилис дилиндә Дәҹҹал “анти-Ҹһрист” јәни Иса (әла нәбијјина вә алиһи вә әлејһи сәлам) Пејғәмбәрин дүмәни мәнасында ишләнир.
Дәҹҹалын хүсусијјәтләри
Рәвајәтләрә әсасән онун бир тәк ҝөзү вардыр, о да алнын тән өртасындадыр, пар-пар парылдајыр. Бәзиләринин нәзәријјәсинә ҝөрә, Дәҹҹал мүәјјән бир шәхсә дејилмир. Бу бир үмуми үнвандыр ки, јахшыны пис, писи исә јахшы кими гәләмә верән, инсан күтләсин мүхтәлиф һијләләр вә јаланчы вәдләр илә өз ардыјҹа апаран һәр бир шәхсә дејилир.
Онун өлүмү
Әҝәр Дәҹҹал ҝәләрсә, јалныз Имам Заман (Аллаһ онун зүһурун тә`ҹил етсин) һәзрәтләри онун өмрүнә сон гојаҹагдыр.
Амма Әбу Сүфјан кимдир?
Әбу Сүфјан бәни Үмәјјә (Аллаһ онлара ләнәт етсин) тајфасындандыр. Атасынын ады “Сәхр”, бабасынын ады исә “Һәрб”дир. Мүавијјәнин атасыдыр. О, ҹаһилијјәт дөврүндә Гүрејш гәбиләсинин бөјүкләриндән бири иди. Әбу Сүфјан “Әмәви” хилафәтинин банисидир. О, Исламдан өнҹә таҹир иди. Ислам Зүһур етдикдә сиә Пејәмбәримизин (сәлләлаһу әлејһи вә алиһ) бир нөмрәли дүшмәнинә чеврилир. О һиҹрәтин икинҹи илиндә Ислыам Пејғәмбәринин үзәринә 100 атлы, вә 900 пијада дөјүшчүләр илә һүҹум чәкәрәк “Бәдр” дөјүшүн башлајыр.
Бәдр мүһарибәсиндә мүшрикләр, башда Әбу Сүфјан олмагла бөјүк итки верирләр. Тәкҹә Әбу Сүфјан бу дөјүшдә ики оғлун итки, бир оғлуну исә Мүсәлманларын әлинә әсир верир. О, һиҹрәтин 3-ҹү илиндә Пејғәмбәрдән интигам алмаг мәгсәди илә олдугҹа бөјүк бир гошуна башчылыг едәрәк Үһүд дөјүшүн јарадыр. Бу мүһарибәдә Мүсәлманлар Пејғәмбәримизин әмрләринә табе олмадыглары үчүн мүшрикләрә удузурлар. Пејәмбәримизин әмиси Һәмзә Сејјиди Шүһәда (Аллаһ ондан разы олсун) бу дөјүшдә шәһид едилир. Вә Әбу Сүфјанын арвады Һәмзәнин (әлејһис сәлам) гара ҹијәрини бәдәниндән чыхардараг јејир. Әбу Сүјан, Үһүд мүһарибәсиндән сонра Мәдинә јәһудиләри илә сөвдәләшәрәк Хәндәк Мүһарибәсин јарадыр. Лакин Ислам Пејғәмбәринин Илаһи тәдбирләри сајәсиндә дүшмән бу мүһарибәдә мәғлуб олур вә ҝери дөнүр.
Әбу Сүјан ҝетдикҹә инкишафда олан Ислам Динин нүфузундан горхараг Пејғәмбәр (сәлләлаһу әлејһи вә алиһ) илә “Һүдејбијјә Сүлһү”н имзалајараг Мәдинәјә ҝәлир. Лакин Ислам Пејғәмбәри ону ҝөрмәк истәмир вә онунла һеч бир әлагәјә ҝирмир. Мүсәлманлар Мәккәни һеч бир мүһарибә етмәдән Фәтһ етдикдә, Әбу Сүфјан “Әббас ибн Әбдүл Мүттәлиб”ин вәсатәти илә Пејғәмбәрдән (сәлләллаһу әлејһи вә алиһ) аман алыр вә онун еви Пејғәмбәрә тәслим оланларын пәнаһгаһына чеврилир. Һәмин ил о мүсәлманлар илә бирҝә “Һүнејн Мүһарибәсиндә” иштирак едир вә Пејғәмбәр (сәлләлаһу әлејһи вә алиһ) дөјүш гәнимәтләриндән бир мигдарын да она верир.
Ислам Пејғәмбәри (сәлләлаһу әлејһи вә алиһ) шәһид олдугдан сонра, о илк өнҹә Имам Әлијә (әлејһис сәлам) јахынлашмаг истәјир. О, Имам Әлијә (әлејһис сәлам) хәлифә олмағына көмәклик ҝөстәрәҹәјини билдирдикдә Имам Әли (әлејһис сәлам) онун һијләсин баша дүшүб өз әтрафындан говур.
О, Османын хилафәтә кечән ҝүнү, Үмәјјә гөвмүн топлантысында онлара белә дејир: “Инди ки, Әбу Бәкр вә Өмәрдән сонра хәлифәлик сизин әлинизә дүшүб, топ кими онунла ојнајын вә гојмајын әлиниздән чыха.”
Әбу Сүфјан һәмин мәҹлисдә һәмчинин белә иддиа етмишдир: “Анд олсун ки, нә Беһишт вар, нә дә ки, Ҹәһәннәм вардыр...”
Билдирәк ки, Үсули динә әсасән һәр бир мүсәлман билиб вә дәрк етдикдән сонра, “Мәада” (Ахирәт дүнјасына, Беһишт вә Ҹәһәннәмә) инам ҝәтирмәјәрсә кафир сајылыр вә онун өлмү ваҹибдир.
Ҝөрүндүјү кими Әбу Сүфјан Пејғәмбәримизин заманында јашајыб вә сонра да Османын вахтында өлүб. Ола билсин сиз Имам Заман (әҹҹәләллаһу фәрәҹәһу шәриф) һәзрәтләринин зүһурундан өнҹә ҝәләҹәк Сүфјани адлы кафир барәсиндә суал вермисиниз.
Сүфјани кимдир?
О, инсандыр. Имам Заманын зүһүрундан габаг Дәмәшгин јахынлығында “Јабис” адлы чөллүкдә дүнјаја ҝәләҹәк. Онун ады Осман, атасынын ады Әнбәсәдир. Үзү чопур, сары сачлы, гырмызы јанаглыдыр, бөјүк чијинләри вар, боју орта бојдан бир аз бөјүкдүр ривајәтләрдә бу барәдә чохлу тәкид олунур.
Рәвајәтләрә ҝөрә вә Шиә әгидәсин әсасән, Суфјанин гијам етмәси һәтми әламәтләрдәндир вә мүтләг ҝәләҹәк. О, Мүбарәк Рәҹәб ајында Шам вилајәтиндә гијам едәҹәк, Суријаны вә Ирагы ишғал етдикдән сонра Имам Заманы (Аллаһ Онун зүһурун тезләшдирсин) тапыб шәһид етмәкдән өтрү Мәккәјә орду ҝөндәрәҹәк, онун ордусу Мәккә илә Мәдинә арасында “Бәјда” чөлүндә јерә батараг мәһв олаҹаглар.
Сүфјанин Суријада, хүсуси илә дә Ирагда төрәдәҹәји ҹинајәтләр чох дәһшәтлидир. Јүз минләрлә ҝүнаһсыз инсанлар онун әли илә шәһид олаҹаг. Сонда мүсәлманларын көмәкинә тәләсән, Сејјид Хорасанин Ирага ҝөндәрдији ордусу илә үзләшәрәк мәғлуб олаҹаг.
Аллаһ сиздән разы олсун!
Диггәт: Хәбәрдән истифадә етдикдә мәнбәјә истинад лазымдыр