Әһли-Бејт (ә) Хәбәр Аҝентлији

мәнбә : Әндишеји-Гум сајты / Дејерлер
cümə axşamı

11 oktyabr 2012

20:30:00
355682

Нәфсин Тәзкијјәси

Неҹә едәк ки, Имам Заман аға (ә.ф.) биздән разы галсын?

Мөмин әҝәр Һәзрәт Һүҹҹәтин (ә.ф.) разылығыны әлдә етмәк истәјирсә, ҝәрәк фәрди вә иҹтимаи вәзифәләрини ҝөзәл шәкилдә јеринә јетирсин...

Имамын (ә.ф.) нәзәрини ҹәлб етмәк вә ону разы салмаг үчүн илк нөвбәдә нәфсимизи ислаһ етмәли вә ҝөзәл әхлага малик олмалыјыг. Имам Садигдән (ә) ҝәлән һәдисдә охујуруг: “Һәр ким Һәзрәт Гаимин (ә.ф.) достларындан олмаг истәјирсә, ҝәрәк интизарда олсун. Бу заман диндарҹасына вә ҝөзәл әхлагла рәфтар етсин”.

Бу һәдисдән ҝөрүнүр ки, һәр ким Ағанын (ә.ф.) разылығыны әлдә етмәк истәјирсә, ҝәрәк ҝүнаһдан узаг олсун, ҝөзәл әхлага малик олмаға чалышсын. Ағанын гејбәтинин узун чәкмәсинин сәбәби Әһли-бејт (ә) давамчыларынын чох сајда ҝүнаһ ишләтмәсидир. Аға (ә.ф.) бујурур: “Бизим Әһли-бејт (ә) давамчылары илә әлагәмизи кәсән шеј давамчыларымыздан бизә чатан хошаҝәлмәз әмәлләрдир. Бизим хошумуза ҝәлмир вә буну онлардан ҝөзләмирик”.

Мөмин әҝәр Һәзрәт Һүҹҹәтин (ә.ф.) разылығыны әлдә етмәк истәјирсә, ҝәрәк фәрди вә иҹтимаи вәзифәләрини ҝөзәл шәкилдә јеринә јетирсин.

Мөмин гәлбиндә даима Аға илә рабитәдә олмалыдыр вә онунла әһд бағламалыдыр. Бу әмәл Һәзрәтин (ә.ф.) разылығыны газанаҹаг әмәлдир. Бизим ҹәмијјәтдә мәсулијјәтләримиз вардыр. Буну јаддан чыхартмамалыјыг. Әҝәр һәгигәтән Ағанын (ә.ф.) разылығыны әлдә етмәк истәјириксә, ҝәрәк фәрди вә иҹтимаи вәзифәләримизи таныјаг. Онлары дүзҝүн шәкилдә јеринә јетирәк.

Имам Багир (ә) бујурур: “Ваҹибаты јеринә јетирмәк үчүн сәбир един, дүшмәнләринизин гаршысында мүгавимәт ҝөстәрин. Интизарында олдуғунуз Имамла бағларынызы мөһкәм един”.

Беләликлә һәдисләрдән ҝөрмәк олур ки, Имамлар (ә) даима мөминләри заманын Имамы (ә) илә пејман вә әһд бағламаға дәвәт едир. Имам (ә) да биздән бу пејманы вә әһди истәјир вә ејни заманда бујурур ки, һәр ҝүнүн башланғыҹында вә ја һәр намаздан сонра әһд дуасыны охујаг. Бу јолла мөминләр һәр ҝүн Имамы (ә) хатырлајар вә онун зүһурунун тезләшмәси үчүн дуа едәрләр. Мөминләр Аға (ә.ф.) илә пејманларыны тәзәләјәрәк, налајиг рәфтарлардан чәкинәрләр. “Әһд” дуасынын бир һиссәсиндә охујуруг: “Аллаһым! Мән бу ҝүнүн башланғыҹында вә өмрүмүн һәр анында о Һәзрәтлә бағладығым әһди тәзәләјирәм. Һеч бир заман о әһд вә бејәтдән ҝери чәкилмәјәҹәјәм. Өз вәзифәмә бағлы олаҹағам”.

Әҝәр биз һәр ҝүнүн башланғыҹы сәмими гәлблә Имамы (ә.ф.) хатырласаг вә онунла әһдимизи тәзәләсәк, һеч бир заман зилләт алтына дүшмәрик. Һәр бир ҝүнаһдан да узаг оларыг. Она ҝөрә дә Ағанын (ә.ф.) разылығыны әлдә етмәк үчүн һәр ҝүн “Әһд” дуасыны охумалыјыг.

Имамын (ә.ф.) разылығыны газанаҹаг әмәлләрдән ән мүһүмү - Аллаһын ибадәтини јеринә јетирмәкдир. Мөмин ибадәтләрини етмәли, һәјатын һәр бир саһәсиндә тәгваја риајәт етмәлидир. Мөмин әҝәр ибадәтиндә ихласлыдырса, Аға (ә.ф.) илә ҝөрүшмәк тофигинә дә назил ола биләр. Дүздүр, бу чох аз инсана нәсиб олмушдур. Анҹаг Имамы (ә.ф.) хатырламаг вә ону јада салмаг һамы үчүн мүмкүн бир шејдир. Биз Имамла (ә.ф.) сөһбәт дә едә биләрик. О, бизим сөјләдикләримизи ешидәр, чүнки о, Аллаһын јер үзәриндәки һүҹҹәтидир. О, бизим әмәлләримизә вә рәфтарларымыза нәзарәт едәр вә

һәр шејдән хәбәрдар олар. Бизим ҝөрдүјүмүз бүтүн ишләри, һәтта налајиг ишләримизи белә ҝөрүр вә ешидир. Биз онунла сөһбәт едән заман дедикләримизи ешидир вә һәтта бизә ҹаваб белә верир. Анҹаг дәрк етмәдә фәрг олдуғу үчүн биз ону ешитмирик. О инсанлар ки, али мәнәвијјата маликдирләр, ола билсин ки, Имамын (ә.ф.) сәсини ешитсинләр.

 

Аллаһ бизләри Ағанын (ә.ф.) разылығыны әлдә едәнләрдән гәрар версин.

 

Диггәт: Хәбәрдән истифадә етдикдә мәнбәјә истинад лазымдыр