Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Мүдафиә Назири Әһмәд Вәһиди өлкәнин һәр ан мүһарибәјә һазыр олдуғуну билдириб.
сентјабрын 19-да журналистләрә ачыглама верән Әһмәд Вәһиди дејиб ки, Иран Ислам Республикасынын Силаһлы Гүввәләри һазырлыг вәзијјәтинә ҝәтирилиб.
О дејиб: “Иран Ислам Республикасы бөјүк бир мүһарибәјә һазырдыр. Биз зүһур дөврүндә (12-ҹи имам Һәзрәт Меһдинин (Аллаһ онун зүһурун тезләшдирсин) ҝәлишинин јахын олмасына ишарәдир – ред.) олдуғумуза ҝөрә бу мүһарибә ән мүһүм мүһарибәләрдән бири олаҹаг”.
Ҹәнаб Вәһиди даһа сонра дејиб: “Биз бу ҝүн өзүмүзү там гүдрәтлә мүдафиә етмәјә, дүшмәни исә өз торпағында әзиб мәһв етмәјә һазырыг. Биз дүшмәндән горхмуруг. Чүнки милләтимиз ҹиһада һазырдыр”.
Диггәт: Хәбәрдән истифадә етдијдә мәнбәјә истинад лазымдыр