Салам әлејкум вә рәһмәтуллаһ!
Суал:
Биз Русијанын Санкт-петербург шәһәриндә јашајырыг. Бурада субһ намазындан шам намазына гәдәр ҝүнүн узунлуғу 21 саатдыр. Белә олан тәгдирдә оруҹу неҹә тутмалыјыг?!
Аллаһ сиздән разы олсун.
Мушфиг.
Ҹаваб:
Әлкејкә сәлам вә рәһмәтуллаһи вә бәрәкатуһ. Сиз оруҹунузу 21 саат тутмалысыныз. Чүнки Аллаһ Тәала Гурани Кәримдә бизә оруҹ олмамызын һансы замандан башлајараг һансы заманда битирмәсини ашкар сүрәтдә бујурур. Бәгәрә сүрәси 187-ҹи ајәдә Аллаһ Ҹәллә Ҹәлалуһ бујурур: “... ағ сап гара сапдан сечиләнәҹән јејин вә ичин (јәни сүбһ азанына гәдәр), сонра ҝеҹәјә гәдәр оруҹ олун...” бу ајәјә әсасән алимләримиз оруҹ олмаг мүддәтини субһ азанындан башлајараг шам азанына гәдәр давам етмәсини зәрури сајырлар. Лакин әҝәр 21 саат оруҹ олмаг кимисә тагәтдән саларса, һәмин шәхс оруҹ тутмамалы вә һәр ҝүнүн мүгабилиндә бир муд тәам (јәни тәгрибән 1кл.г буғда, ја чөрәј, јада ки, ун) фәгирә вермәлидир. Вә ҝәлән Мүбарәк Рамазан ајына кимин исә мүтләг тутмадығы оруҹларын јалныз гәзасын тутмалыдыр. Бәгәрә сүрәси ајә 184-дә Аллаһ Тәала бујурур: “...Сизләрдән һәр биринизи оруҹ тутмаг ону тагәтдән саларса, онун бир муд тәам фәгирә вермәси (һәмин ҝүнүн) тутмадығы оруҹунун әвәзидир (гәзасын исә сонра, ҝәлән Мүбарәк Рамазан ајынаҹан тутмалыдыр). Вә һәр ким (фәгирә 1 муд тәам әвәзинә) чох верәрсә бу онун үчүн даһада хејирлидир. Оруҹ тутмаг хејрлидир. Әҝәр сиз буну билсәјдиниз.”
Аллаһ бу ҝөзәл Рамазан ајында, Самит Гуранын Назил олан ајында, Натиг Гуранын (Әмирәл Мөминин Әли Ибни Әбу Талиб әлејһис сәлам) шәһадәтә чатдығы ајда сизин мадди вә мәнәви проблемләринизи өзү һәлл етсин. Вә Сизә јардымчы олсун. Амин!
Ҹавабынызы бир гәдәр ҝеҹ вердијимиз үчүн сиздән үзүр диләјирик.
Диггәт: Хәбәрдән истифадә етдикдә мәнбәјә истинад лазымдыр