Суал:
Салам мән Мисирдә тәһсил алырам. Өзүм Еһли Шиәјәм (әлһәмдулиллаһ) бир шеји сиздән сорушмаг истәрдим. Әҝәр атанин бөјүк өвлади башга сәмави динләрин ардыҹылларындан олса, ондан сонракы овлады исә мусәлман белә олан тәгдирдә атанын гәза намазлары һанси өвлада ваҹиб олур? Мәнимдә тәглидим Аҝа Фазил Ләнкәранијәди...
Фуад.
Ҹаваб:
Әлкејкә сәлам вә рәһмәтуллаһи вә бәрәкатуһ. Шиә олуб “Аллаһын ВИлајәт Немәти”ндән бәһрәләндијиниз үчүн доғрудан да Уҹа вә Јенилмәз Аллаһа шүкүр етмәк лазымдыр. Амма суалынызын ҹавабына ҝәлдикдә исә демәк истәрдик ки, Ислам Пејғәнбәринин (сәлләллаһу әлејһи вә алиһ) мүгәддәс шәриәтини олдуғу кими тәфсир едән Әһли-Бејтин (әлејһимус сәлам) ҝөстәришләриндә атанын гәза намазларын гылан бөјүк өвладдан мәгсәд евин јашҹа бөјүк оғлу нәзәрдә тутулур. Кичик өвлад дедикдә исә кичик оғул нәзәрдә тутулур. Әҝәр евин бөјүк оғлу дүнјаја ҝәләрсә, сонрадан өләрсә, јахуд динини дәјишәрсә вә јахуд елә әввәлдән башга бир диндә идиләр садәҹә ата вә кичик оғул Исламы гәбул етмишләр, лакин бөјүк оғул гәбул етмәмишдир. Вә бир мүддәтдән сонар ата дүнјасын дәјишмишдир бүтүн бу садаланан сүрәтләрдә евин кичик оғлуна атанын гәза намазлары ваҹиб дејилдир. Бу мәрһум Ајәтуллаһ Фазил Ләнкәранинин нәзәриндә дә беләдир.
Аллаһы анд веририк онун әзәмәтинә вә иззәти ҹәлалына бизи дүнја вә ахирәтдә Әһли Бејтдән (әлејһимус сәлам) ајырмасын. Амин!
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр