Сән сусурсан
(мәнсур шеир)
Бир јараны бағламамыш, дәрдләринә доја-доја ағламамыш јени бир дәрд тапыр сәни, бир шиш чыхыр дүз алнынын ортасына. Рәнҝи гара. Гарасына алнывын да бәјазлығы батыр, ҝедир. Авровизија адланан бәд хассәли бир шиш илә дәјәрләрин сәни бир-бир атыр, ҝедир. Бир јатагда сән кимсәсиз, хәстә, јорғун инләјирсән. Алнындакы шиш бөјүјүр ҝүндән-ҝүнә вә үзүвүн паклығына сән о шишин көлҝәсини салмағыны изләјирсән. Сәссиз-сәссиз ҝөзләјирсән. Севинирсән, өјүнүрсән. Чибан бојда хәстәлијә алнымдакы дағ дејирсән. Еј авропа, буҝүнәҹән танымајыб ҝөрмәмисән, бу дағ илә мәни таны, сај дејирсән. Сыхыб – сыхыб о чибаны, иринини ахыдараг авропаны үрәјимә јај дејирсән. Сән билмирсән. Бу шиш сәни јаваш-јаваш битирәҹәк, јаваш -јаваш титрәдәҹәк, јаваш-јаваш гыздыраҹаг, ишыглардан, сәсдән-күјдән, әјләнҹәдән дөнәҹәкдир башын, сән дә јыхылаҹаг, дағылаҹаг, сән олмагдан чыхаҹагсан. Бир бәдәндә ики һәјат јашајанлар ағзын үстә ҝәзишәҹәк. Сән сусарсан, унударсан нефт кәмәри кими узун дилләрини. Унударсан муғам кими, каман кими, саз, тар кими сәсләрини. Дилләрини сәсләринин биләјинә бүкүб-бүкүб, гандаллајыб сусаҹагсан. Сән динәндә сән олурсан. Әвәзиндән динәҹәкләр вә сусдугҹа сән олмагдан чыхаҹагсан. Тарихинә өзҝә әлләр узанаҹаг. Әлләрини мәнлијинә, дәјәринә, нечә-нечә јерләринә узадарлар. Кечмишини гурҹалајыб, бу ҝүнүнү парчалајыб, бир кристал зал гајырыб, ҝәләҹәји бунлар үстә гураҹаглар. Бир тәрәфдә Гарабағын дура-дура бу мөвзулар үзәриндә дураҹаглар. Лиҝһт јоур фире дејә-дејә торпағыны јандыраҹаг, јахаҹаглар. Бир мүддәт дә бунлар илә гатаҹаглар башыны сән сусаҹагсан вә сусдугҹа сән олмагдан чыхаҹагсан. Тәдбир-тәдбир, иҹлас-иҹлас, јаваш-јаваш заманыны алаҹаглар. Бу мәкандан о мәкана чәкә-чәкә јораҹаглар, тикә-тикә удаҹаглар. Јејиб сәни тахыл-тахыл, мејвә-мејвә, үстүндән дә ичиб нефти бору-бору, кәмәр-кәмәр сүмүјүнү вә дәрини гојаҹаглар. Сән јенә дә сусаҹагсан… вә сусдугҹа сән олмагдан чыхаҹагсан.
Башын үстә далғаланан бајраға бах, Азәрбајҹан. Улдузуна, ајына бах, рәнҝинә бах, Азәрбајҹан. Гырмызысы дамла-дамла шәһид ганы олуб ахыр ҝөзүмүзә. Јашыл рәнҝи Ислам дејиб тәрс-тәрс бахыр үзүмүзә. Ҝөј рәнҝини јараданда Түрк демишик өзүмүзә, көкүмүзә. Ҝөрүнмәкчүн, билинмәкчүн сәбәб ҝәзмә, Азәрбајҹан. Бунун үчүн сәнин сајсыз сәбәбин вар. Ҝәләҹәјә ҝедән јолда зәфәрин вар, Гарабаға сәфәрин вар. Мәнәвијјат әтри ҝәлән нәфәсин вар. Бир Хоҹалы фаҹиәси јүк олубдур, асылыбдыр гисасындан. Сәнин һәлә ојнамаға, охумаға һәвәсин вар? Сән сусурсан…
Лалә Гулијева
“Еуровисион варлығымыза гаршы!”кечирилән мүсабигәјә ҝөндәрилмиш мәгалә.
МҮСАБИГӘ ДАВАМ ЕДИР!
Һагг Јолу Елм вә Мәдәнијјәт Институту “Еуровисион варлығымыза гаршы!” девизи алтында әдәби мүсабигә кечирир. Мүсабигәјә Еуровисионун тәхрибатчы маһијјәтини ачан мәгаләләр, көшә јазылары, шеирләр гәбул едилир. Мүсабигәјә 1 мај, 2012-ҹи ил тарихиндә јекун вуралаҹаг. 7 мај, 2012-ҹи ил тарихиндә мүсабигәнин галибләри елан олунаҹаг вә мүкафатлар тәгдим едиләҹәк. Мүгәддәс Гум шәһәриндә институтун офисиндә мүкафатландырма мәрасиминдә иштирак едә билмәјән галибләрин мүкафатлары ҝөстәрдикләри үнвана ҝөндәриләҹәк.
Мүкафатлар:
1-ҹи јер 1000 АЗН
2-ҹи јер 700 АЗН
3-ҹү јер 500 АЗН
4-10-ҹу јерләр гијмәтли мүкафатлар
“Еуровисион варлығымыза гаршы!”
мүсабигәсинин тәшкилат комитәси
Әлагә үчүн: [email protected]
Диггәт: Хәбәрдән истифадә етдикдә мәнбәјә истинад лазымдыр