Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда бәднам “еуровизион”ә гаршы компанија паракәндә сүрәтдә давам едтсәдә бир чох ҝәнҹ вә истедадлы ҹаванлар буна гаршы етиразын билдирир. Белә ки, шаирә Хураман Һүсејнзадәнин јени шеирин охуҹулара тәгдим едирик.
јевровижн
“Welcome to Baku, Eurovision”-
Демәјә дилимиз ҝәлмир...
Бура мүһарибә вә
мүбаризә өлкәсиди,
Сәнә салам вермәјә әлимиз ҝәлмир...
Бу гәдәр јохсулун өлкәсиндә
сәнә ҝәрдәк кими
“Cristall Hall” тикдиләр,
нечә-нечә јохсулун евини сөкдүләр,
шәлә-шүләсини чөлә төкдүләр.
Бунлары билирсәнми, Јевровижн?
Сән түпүрүб Авропа дәјәрләринә
һәр ҹүр рәзаләтин,
сәфаләтин баш алыб ҝетдији,
инсан һагларынын позулдуғу,
сөзүн дүзүнү дејәнләрә
дири-дири мәзар газылдығы
бир өлкәјә ҝәлирсән...
*** *** ***
Уҹа-уҹа ҝөјдәләнләр алдатмасын сәни-
онлар халгымыза јухарыдан ашағы бахыр...
Мави ҝөзлү Хәзәр алдатмасын сәни-
ордан чыхан нефт јадларын ҹибинә ахыр...
Бу өлкәнин үзү милјонерләр,
астары диләнчиләрди...
Астары үзүндән,
ҝөз јашлары ҝөзүндән бөјүк
олан бир өлкәјә ҝәлирсән, Јевровижн!..
*** *** ***
Сәнә гурулан “Cristall” ҝәрдәјин
Бир аддымлығында
журналист
Елмар Һүсејновун мәзары вар,
Дөрд тәрәфиндә “гул базары” вар...
Сәни
боғазымыздан кәсилән пулларла
јаманан һамар јоллар,
“Гул базарларында” бојнуну бүкән “гуллар”
гаршылајаҹаг...
*** *** ***
Сән мүһарибәси битмәјән,
Ҝөзләринин өнүндән шәһид балаларынын хәјалы
ҝетмәјән
гачгын аналарын өлкәсинә ҝәлирсән...
Сән
шәһидләринин
ган изини лаләләр өртмәјән
мај ајында ҝәлирсән, Јевровижн...
Мај ајында бурда Ҝүл бајрамлары,
гејд олунар,
амма мај ајында хејир иш едилмәз...
*** *** ***
Дејирләр, мај ајынын аһ-наләси,
јаман ағырды...
Мај ајынын гарғышындан
гуртармаг чәтин...
Јохдуму һеч виҹданын, һејсијјәтин,
Ахы сәни бура ким чағырды???
Хураман Һүсејнзадә
Диггәт: Хәбәрдән истифадә етдикдә мәнбәјә истинад лазымдыр