Әһли Бејт -АБНА- хәбәр аҝентлијинин вердији хәбәрә әсасән: Дүнја Мүсәлманларынын Тәглид Мәрҹәси Ајәтуллаһ Лүтфуллаһ Сафи Ҝүлпәјгани ҹәнабларындан Сејјиди Шүһәданын (әлејһис салам) түрбәти үзәриндә Аллаһ Тәалаја сәҹдә етмәјин фәзиләти барәдә суал олунуб.
Суал:
Иамам Һүсејн ҹәнабларынын түрбәти барәсиндә дини әдәбијјатымызда дејилән фәзиләтләр, бәрәкәтли вә тәсирли оламсы һагда Мәсумлар тәрәфиндән сөјләнилән һәдисләрин чох олмасына бахмајараг тәәссүфлә гејд етмәлијик ки, бәзи Мәсҹидләрдә Имамын түрбәти әвәзинә мүхтәлиф нөвлү дашлардан мөһүр кими истифадә олунур. Сизин нәзәриниздә торпагдан һазырланмыш мөһүрләри, хүсуси илә дә Имам Һүсејнин (әлејһис сәлам) түрбәтиндән дүзәлдилән мөһүрләри дашын мүхтәлиф нөвләриндән һазырланмыш мөһүрләрлә әвәз еедилмәси вә бу типи мөһүрләрин јајылмасы нә дәрәҹәдә дүзҝүндүр? Икинҹиси: Мөминләрин вәзифәси бу ишин (јәни дашын мүхтәлиф нөвләриндән һазырланмыш мөһүрләрлә әвәз еедилмәси вә бу типи мөһүрләрин јајылмасы) мүгабилиндә нәдир?
Ҹаваб:
Имам Һүсејн (әлејһис салам) түрбәтинин намазда истифадә едилмәсинин нә дәрәҹәдә фәзиләт вә саваба малик олмасы һаммыја бәлли олан бир мәсәләдир. Тәбии ки, бу түрбәти даш вә јахуд башга бир әшјаларла әвәз етмәк намаз гылан шәхсин өзүнү бөјүк бир савабдан мәһрум етмәси демәкдир. Амма диҝәр өлкәләрин торпаглары илә мүхтәлиф нөвлү дашлар арасында онларын үзәринә сәҹдә етмәјдә һеч бир фәрг јохдур.
Диггәт: Хәбәрдән истифадә етдикдә мәнбәјә истинад лазымдыр