Әһли Бејт -АБНА- хәбәр аҝентлијинин вердији хәбәрә әсасән: “Һәзрәти Јүсиф (ә)” сериалындан сонра дүнајаја сәс салмыш даһа бир сериалын ана дилимиздә сејрчиләрә тәгдим едилмәсинә чох аз мүддәт галыб. Сөһбәт Азәрбајҹанда чохларынын јолуну ҝөзләдији “Мүхтанамә” сериалындан ҝедир. Сериалын Азәрбајҹан дилиндә сәсләндирилмиш пешәкар дублјажы тамамланмаг үзрәдир. Бу һагда Дејерлер.орҝ-а дублјажы һәјата кечирән “Салам Студо” кино ширкәтиндән билдирибләр.
Мәһәррәм ајынын әввәлиндә сериалын ана дилимиздәки версијасынын сејрчиләрә тәгдим едилмәси ҝөзләнилир. Ширкәт сериалын јүксәк сәвијјәдә дүблјаж олундуғу билдириб. Сериалын дублјажында Азәрбајҹанын апарыҹы инҹәсәнәт хадимләри филмдәки гәһрәманлары сәсләндирибләр. Онлар арасында халг артистләри Расим Балајев, Илһам Әсҝәров, Һаҹы Исмајылов, республиканын әмәкдар артистләриндән Нәҹибә Һүсејнова, Һүснијјә Мүрүввәтова вә диҝәр пешәкарлардан Елдәдәниз Рәсуловун адлары кечмәкдәдир. Сериалын јарадыҹылг просесиндә өлкәнин 20-дән артыг “улдузлу актјор һејәти” иштирак едиб. Просеси сајтымыза шәрһ едәркән“Салам Студо” кино ширкәтинин рәһбәри Һаҹы Емин Аббасов дејиб: “Бу сериал Азәрбајҹанын кино дубјажы саһәсиндә јени сәһифә олаҹаг”.
Сериалын телемәканда нүмајиши истигамәтиндә истәкләр сәсләнсә дә, һәлә ки, бу һагда гәти олараг јајымын һансы канал тәрәфиндән һәјата кечирилмәси һаггында разылашмалар мүәјјәнләшмәјиб.
“Мүхтарнамә” сериалы режиссор Давуд Мирбагири тәрәфиндән чәкилиб. Сериал 40 серијадан ибарәтдир вә 8 ил әрзиндә әрсәјә ҝәлиб. Филмдә хејли сајда мүасир кино технолоҝијаларындан, мүасир компјутер графикаларындан вә 3Д програмындан ҝениш истифадә едилиб. Сериалын чәкилиши јүксәк сәвијјәли пешәкар чәкилиш групу тәрәфиндән апарылыб вә бүтүн чәкилишләр кино лентә јазылыб. Сериалын әсас мөвзусу кими Мәһәррәм ајында Кәрбәлада баш вермиш һадисәләрин мотивләри дајаныр. О ҹүмләдән, Имам Һүсејн (ә) вә әгидәдашларынын шәһадәтә јетирилмәси вә сонра мүсәлманларын ајылмасы, онун гисасынын алынмасы тәләбилә мүсәлманларын зүлмә гаршы мүбаризәләри тарихи фактлар әсасында әкс олунуб.
Диггәт: Хәбәрдән истифадә етдикдә мәнбәјә истинад лазымдыр