Әһли Бејт -АБНА- хәбәр аҝентлијинин вердији хәбәрә әсасән: Ајәтуллаһ Сафи Әһли-Бејт(ә) мәзһәбинә һидајәт оланлара бахмагдан севинҹ һисси кечирдијини билдирәрәк гонаглара әрз едиб ки, башга динләрдән Ислам дини сечәнләрә тамаша етмәк гәлбимә шадлыг бәхш едир вә мән сизинлә кечирдијим дәгигәләри өзүм үчүн гәнимәт һесаб едирәм. Вә сизи ҝөрмәк мәни о гәдәр хошһал едиб ки, һеч узун илләр боју гардаш вә баҹыларыны итирмиш шәхс онлары тапаркән белә севинҹ һисси кечирмир. Ајәтуллаһ Сафи Ҝүлпәјгани гонагларын өзләрилә ҝәтирдикләри өвладларына мәһәббәт ҝөстәрәрәк һәмин ушаглары өз өвладлары адландырыб.
Ајәтуллаһ Саҝи Ҝүлпәјгани билдириб ки, инанырам ки, сиз Әһли-Бејт(ә) мәктәбилә даһа јахындан таныш олаҹагсыныз вә Әһли-Бејт(ә) мәктәбинин бәрәкәтиндән фајдаланаҹагсыныз. Вә әҝәр сиз Әһли-Бејт(ә) маарифилә камил таныш олдугдан сонра она итаәт едәрәк диҝәрләринә дә Әһли-Бејт(ә) мәктәбини танытдырсаныз онлар да һәгиги Ислам јолуна тәшриф бујурарлар.
Һәзрәти Рәсули-Әкрәмдән(с) Һәзрәти Әлинин(ә) мәгамыны танытдыран һәдиси зикр едән мәрҹеи-тәглид дејиб ки, биз фәхр едирик ки шиәјик вә Әһли-Бејтин(ә) вә Ислам дининин арадан ҝетмәсинин гаршысыны алмаг үчүн гијам етмиш Имам Һүсејнин(ә) вилајәтинин јолчуларыјыг.
Диггәт: Хәбәрдән истифадә етдикдә мәнбәјә истинад лазымдыр