Әһли Бејт -АБНА- хәбәр аҝентлијинин вердији хәбәрә әсасән: Ајәтуллаһ Сафи Ҝүлпајигани һөвзә мүәллимләри илә ҝөрүшән заман демишдир: “Дүшмәнләрин бир даһа Мәһдәвијјат мөвзусуна һүҹум етмәкләри Әһли-Бејт (ә) мәктәбинин тәрәггисинә мане олур. Ислам дүшмәнләринин Мәһдәвијјат һаггында јаздыглары јени китаблар Мәһдәвијјатын зәифләдилмәсинә јөнәлик зәминәдир.
Онлар сәј едирләр ки, Әһли-Бејт (ә) мәктәбинин ҝәләҹәји олан Мәһдәвијјаты мәзһәбимиздән алсынлар ки, бизи наүмид вә мәғлуб етсинләр. 200 ил кечмәсинә бахмајараг, бәһаијјәт һеч бир шеј едә билмәди, етдији тәк шеј Гәрбин нөкәрлијидир. Онлар бу китаблары јазараг, јанлыш тарих јаратмаг истәјир вә инсанлары јолларындан аздырырлар. Бәһаијјәт тәрәфиндән јазылмыш бу китаблар һәр бир билик әһли тәрәфиндән ҝүлүш илә гаршыланмышдыр.
Онлар неҹә пуч әсаслар үзәриндә Мәһдәвијјаты инкар едир вә бәһаилији тәсдиг едирләр. Бунунла мүбаризә апармаг лазымдыр вә Мәһдәвијјат мөвзусунда јазылан китаблар буна көмәк едә биләр. Әлбәттә, һәр кәс бу мөвзу һаггында јазмаг вә бәһс етмәк габилијјәтинә малик дејилдир. Һәтта бу һагда јазылмыш бәзи китаблар Исламын зәрәринәдир. Һәр кәс Имам Заманын (ә) вә Мәһдәвијјатын ады илә зеһнләри корламаг үчүн аддым ата билмәз”.
Мәрҹәји-тәглид тәләбәләр үчүн ачылмыш Мәһдәвијјат курсларына ишарә едәрәк, деди: “Бу програм хүсуси бир һәрәкәтдир ки, ону тәсис едилмәси фикри Имам Заман (ә.ф.) васитәсилә бу програмын мәсулларына чатдырылмышдыр. Бизим бу ҹүр ишләрә еһтијаҹымыз вардыр. Бу һагда һәр нә гәдәр китаб јазыларса, аздыр”.
Һәвзәһ
Диггәт: Хәбәрдән истифадә етдикдә мәнбәјә истинад лазымдыр