Әһли Бејт -АБНА- хәбәр аҝентлијинин вердији хәбәрә әсасән: "Позитив" Ҝәнҹләр Платформасынын Устад Мүтәһһәри адына "Ҝәнҹ Маарифчиләр Мәркәзи" “Әһли-бејтин (ә) ҝәнҹләрә месажлары” мөвзусунда тәдбир кечирмишдир. Платформанын модератору Хагани Сәфәров тәдбири ҝириш сөзү илә ачмышдыр. О, тәдбирин Һәзрәт Имам Заманын (ә.ф) мөвлудуна һәср едилдијини билдирмишдир: “Пејғәнбәрин (ә) вә пак Имамларын (ә) һәјатлары бизә өзү бир өрнәкдир, мәктәбдир. Бу ҝүн бу тәдбирдә онларын ҝәнҹләрә чатдырдыглары месажларла таныш олаҹағыг. Онлардан ҝәлән әмәли төвсијәләрин мүасир постмодерн дөврдә хүсуси актуаллығыны ҝөрәҹијик, иншааллаһ”.
Даһа сонра Устад Мүтәһһәри адына "Ҝәнҹ Маарифчиләр Мәркәзи"ин фәалларындан олан Мәтләб Һәмзәли Мәсумларын (ә) шәхсијјәтләри, кәламлары вә һәјаты һаггында мараглы нөгтәләрә тохунду. “Мәсумлар (ә) Аллаһ Тәаланын хас, сечилмиш нүмунәләри олмагла јанашы, реал һәјати төвсијәләр верән мүбарәк шәхсләр олублар. Јашам тәрзләри, кәламлары о гәдәр дәгигдир ки, һәр дөвр үчүн актуал олуб. Иддиа етдикләри кими јашамалары, дедикләри һәр сөзүн архасында әмәлин дајанмасы - сөзләринин тәсирлилијини бир даһа артырыр”, дејә чыхышҹы вурғулады.
Чыхыш иштиракчылар тәрәфиндән чох диггәтлә гаршыланыб.
Әһаләтили чыхышдан сонра ҝәнҹләр бу мөвзуну мүхтәлиф призмалардан мүзакирә етмиш, ҝениш дискуссија апармышлар. Полемикалар заманы мараглы нәтиҹәләр әлдә едилмишдир.
