1. Аллаһдан горхун, тәгвалы олун.
2. Бизә сизи фитәндән вә имтаһандан хилас етмәјә көмәк един.
3. Вәд верирәм ки, әҝәр бир шиә тәгвалы олса вә лазым олан шеји малындан ајырса, аздырыҹы витнәләрдән вә зүлмәт чәтинликләрдән аманда галаҹаг.
4. Әҝәр шиәләрдән бири Аллаһын она вердији малдан Онун ҝөстәриш вердији шәхсләрә вермәјә пахыллыг етсә, дүнја вә ахирәтдә зәрәрә уғрајаҹаг.
5. Әҝәр бизим шиәләримиз онлардан алынан әһдә садиг олсалар, бизим онларла ҝөрүшүмүз тәхирә дүшмәјәҹәк.
6. Бизим зүһурумуз јалныз шиәләрин пис рәфтарларына ҝөрә тәхирә дүшүр. Оналрын етдикләриндән биз хәбәрдарыг.
7. Аллаһдан горхун, бизә итаәт един, доғру јолдан сапмајын.
8. Нијјәтинизи- сизә дедијим ашкар сүннәјә ујғун олараг- достлугла бизә гајтарын.
9. Сизин малынызы (хүмс, зәкат) пак олмајынҹа гәбул етмәрәм… Ким истәјир әмәл етсин, истәмәјән әмәл етмәсин. Она ҝөрә ки, бизим сизин варыныза еһтијаҹымыз јохдур.
10. Зүһурун вахтыны јалныз Аллаһ билир. Бунун вахтыны тәјин едәнләр јаланчылардыр.
11. Баш верән һадисәләрдә мүҹтәһидләрә мүраҹиәт един. Она ҝөрә ки, онлар мәним сизә һөҹҹәтләримдир. Мән дә Аллаһын онлара һөҹҹәтијәм.
12. Гејбдә олдуғум заман мәндән фајдаланмаг, үзәрини булудларын өртдүјү ҝүнәшдән фајдаланмаға бәнзәјир.
13. Сизә хејири олмајан мөвзулар барәдә сорушмајын. Сиздән истәнилмәјән мөвзулары мәнимсәмәклә өзүнүзү сыхынтыја салмајын.
14. Зүһрумун тез баш вермәси үчүн (фәрәҹ үчүн) чох дуа един. Бу елә сизин гуртулушунуздур.
15. Һәр кәс иҹазәмиз олмадан бизә аид олан малы (хүмс, зәкат, вәгф) мәнимсәсә залымдыр вә Гијамәт ҝүнүндә ондан шикәјәт едәҹәјик.
16. Билмирсинизми, Аллаһ-Таала һәзрәт Адәмдән индијәдәк халг үчүн сғынмаға далдаланаҹаг сечиб, һидајәт олунмаға бәләдчи тәјин едиб. Һәр вахт онлардан бир әламәт ҝизләнсә, јени бир әламәт заһир олур. Һәр вахт онлардан бир улдуз гүруб етсә, јени бир улдуз доғур. Аллаһ-Таала Имам Һәсән Әсҝәрини өзүнә сары апардыгдан сонра Өзү илә инсанлар арасында әлагәни кәсдијини дүшүнмәјин. Һеч вахт белә һадисә баш вермәјиб вә гијамәтә гәдәр дә баш вермәјәҹәк.
17. Билмирсинизми, Јер үзү Аллаһын һөҹҹәтиндән бош олмаз. Истәр һәмин һөҹҹәт ҝизли олсун вә истәрсә дә ашкар.
18. Инсанлар нәфсани истәкләри өзүндән узаглашдырмалыдыр. Гејб дөврүндән өнҹәки кими рәфтар етмәлидирләр. Онлардан ҝизләдилән шејин архасынҹа ҝетмәмәлидирләр… Билин, һагг бизмлә вә бизим јанымыздадыр.
Мәнбә:
Әлламә Мәҹлиси “Мәһди-е Моуд”