Әһли-Бејт
(әлејһимус сәлам) Хәбәр Аҝентлији – АБНА: Өтән ҝеҹә Имам Һүсејнин Мүгәддәс Һәрәминин
Дини Ишләр Үзрә Нүајәндәси Шејх Әбдүл-Меһди Кәрбәлаји, Ватиканын нүмајәндәси вә
Ромадакы рәсми китабханасынын рәһбәри Анҹело Винчезо Занини Кәрбәладакы офисиндә
гаршылајыб.
Шејх бу ҝөрүшдә дејиб:
“Сәмави рисаләт бирдир вә биз һамымыз чалышмалыјыг ки, иҹтимаијјәт үчүн, хүсусән дә зүлм вә зоракылыгдан әзијјәт чәкәнләр үчүн бу һүгуглары һәјата кечирәк. Биз, бәшәр өвладларына зүлм едәнләрә гаршы мөвге тутмалы вә бәшәријјәтин проблемләрини һәлл етмәли, бәзи халгларын үзләшдији зүлм вә инсан һагларындан мәһрум едилмәсинә гаршы һәрәкәтә кечмәлијик ки, бу да пејғәмбәрләрин миссијасыдыр.”
О, даһа сонра вурғулајыб:
“Бизә диалог вә анлашма јолу илә халглар арасында јахынлашма вә һөкмранлыгдан кәнар бир-биримизин мәдәнијјәтләрини дәрк етмәк лазымдыр. Милләтләр, мүтәфәккирләр вә дин хадимләри олараг арамызда диалог олмалыдыр.
Бу ҝөрүшдә Шејх Кәрбәлаји Имам Һүсејнин Мүгәддәс Һәрәминин китаб вә нәшрләриндән ибарәт коллексијанын Ватикан Китабханасына верилмәсини әмр едиб.
Шејх Кәрбәлаји, һәмчинин Ватикан нүмајәндә һејәтини Имам Һүсејнин (ә) мүгәддәс әрәфәсиндә олан лајиһәләри, о ҹүмләдән хәстәханалар, аутизм мәркәзләри, мәктәбләр, университетләр, әлјазма мәркәзләри вә еләҹә дә Имам Һүсејн (ә) диалог фондуну зијарәт етмәјә дәвәт едиб.
Ватикан нүмајәндә һејәтинин рәһбәри Анҝело Монҹензо Зани дә дејиб:
“Шәһидлик Баһары фестивалына дәвәт олундуғумуз үчүн вә илк дәфә баш тутан Кәрбәла шәһәриндә вә Имам Һүсејнин (әлејһи сәлам) һәрәминдә иштирак етмәкдән хошбәхтик. Шәһидлик Баһары фестивалы бөјүк вә тәрифәлајиг бир һәрәкәтдир. Бурада динләрлә, гәбиләләрлә әлагә вә сөһбәт шәбәкәси диггәтими чәкди.”
О әлавә едиб:
“Шејх Әбдүл-Меһди Кәрбәлаји илә ҝөрүш чох јахшы кечди вә о, сөһбәтләриндә Имам Һүсејнин (әлејһи сәлам) һәрәминин сәј ҝөстәрдији тәһсил вә сағламлыг методуну вурғулады.”
Ватиканын нүмајәндә һејәтинин рәһбәри сонда деди:
“Биз бир-биримизлә әлагәләрин ҝәләҹәјини гура вә китаблар васитәсилә интеллектуал диалогун коммуникасија шәбәкәсини ҝенишләндирә, бир-биримизлә динамик мәдәни әлагәләрә малик ола биләрик.”
Диггәт: Хәбәрдән Истифадә Етдикдә Мәнбәјә Истинад Лазымдыр!