Әһли-Бејт
(әлејһимус сәлам) Хәбәр Аҝентлији – АБНА: Ливан Һизбуллаһ Мүгавимәт Тәшкилатынын
Баш Катиби Сејјид Һәсән Нәсруллаһ бу ҝүн, 16 феврал 2024 тарих, јерли ссатла
15:00-да Бејрутда кечирилән Ливан Мүгавимәт Тәшкилатынын Шәһид лидерләринин хатирәсинин
анма мәрасиминдә чыхыш едиб.
Ливан Һизбуллаһынын Баш Катиби чыхышы заманы билдириб:
“Шәһидләр бу ҝүн арамызда олсајдылар, онларын мөвгеји Фәләстинә дәстәк вә јардым етмәк, сионист дүшмәнлә үз-үзә ҝәлмәк, дүшмәнин өз мәгсәдләринә чатмасынын гаршысыны алмаг, Гәззә вә реҝионда мәзлумлара көмәк етмәк оларды.”
О әлавә етди:
“Һәгиги мүбаризләр вә алиҹәнаб инсанлар аҹизлик вә зәифликдән уза олан, өз јолларынын, мәгсәд вә планларынын дүзҝүнлүјүнә шүбһә етмәјә имкан вермәјән, өз јолуна давам едән вә мүгавимәти горумағын әсас принсип олдуғу әмринә садиг галан инсанлардыр.”
Һөҹҹәтүл Ислам Шејх Сејјид Һәсән Нәсруллаһ даһа сонра дејиб:
“Мүгавимәт һәрәкатларынын активлик вә пассивлији мүвәггәти реаксијалар илә бағлы дејил, мәгсәдләри дәрк етмәк, һәдәфи анламаг, танымаг вә бәсирәтдән ирәли ҝәлир. Дүшмән дүшүнүр ки, командирләримизи вә дөјүшчүләримизи өлдүрмәклә, јахуд евләримизи дағытмагла бизи зәифләдә вә ја ҝери чәкилмәјә мәҹбур едә биләр...”
О, сионист режимин Ливанын ҹәнубуна сон һава һүҹумларына тохунараг деди:
“Сионистләрин Ән-Нәбтијјә вә Әл-Сванә шәһәрләринә тәҹавүзү дајандырылмалыдыр, чүнки онлар мүлки әһалини һәдәфә алыблар. Бу тәҹавүз мүлки әһалинин бөјүк бир һиссәсинин шәһид олмасына сәбәб олуб. Биз, баш верәнләрин гәсдән төрәдилдијини дејирик.”
Һизбуллаһын баш катиби вурғулајыб:
“Биз әсл дөјүшүн мәркәзиндәјик, јүз километрдән чох узанан ҹәбһәдәјик вә мүгавимәт дөјүшчүләринин шәһид олмасы бу дөјүшүн тәркиб һиссәсидир. Дүшмәнин мүлки инсанлары өлдүрмәкдә мәгсәди мүгавимәтә һүҹумлары дајандырмаг үчүн тәзјиг ҝөстәрмәкдир, 2023-үн октјабрын 7-дән бу јана бүтүн тәзјигләр Ливан Һизбуллаһынын Исраил илә ҹәнуб ҹәбһәсини дајандырмаг олуб вә сионист режимин гәтлиамларына вә төрәтдији сојгырымлара ҹаваб олараг ҹәнуб ҹәбһәсиндәки һүҹумлары давам етдирмәк вә интенсивләшдирмәлијик.”
Ливанлы мүлки әһалинин ганыны төкмәјин ҹавабы ган олаҹаг!
Ливан Һизбуллаһ Тәшкилатынын Баш Катиби, дүнән Катјуша вә Флаг ракетләри илә сионистләрин Кирјат Шемоне гәсәбәләринә һүҹумунун Исраилин ҹинајәтинә илкин ҹаваб олдуғуну билдириб вә вурғулајыб:
“Ән-Нәбтијјә вә Әл-Сванә кәндләриндә гадын вә ушагларымызын ганынын бәдәлини дүшмән өдәјәҹәк. Ливанлы мүлки әһалинин ганынын төкүлмәсинә ҹаваб һәрби базалары һәдәфә алмаг дејил мәһз сионистләрин ганларынын ахыдылмасы олаҹаг.”
Сејјид Һәсән Нәсруллаһ билдириб:
“Ливан Мүгавимәт Тәшкилаты, сионистләрин Кирјат шәһәриндән тутмуш Шмоун вә Ејлата гәдәр бөјүк вә дәгиг һәдәфләри вура билән ракет имканларына маликдир.”
Дүшмәнә тәслим олманын гијмәтинин чох ағыр, тәһлүкәли вә талејүклү олдуғуну билдирән Сејјид Һәсән Нәсруллаһ билдириб:
“Дүшмәнә тәслим олмаг намусумузу алчалтмаг, көләлик етмәк вә бөјүкләримиздән тутмуш кичикләримизә кими һамыны тәһгир етмәк демәкдир.”
Ливан Һизбуллаһынын баш катиби Мүгавимәт Ҹәбһәсинин дүшмәнин екзистенсиал бөһран ичиндә јашамасына сәбәб олдуғуна вә бу бөһранын зирвәсинин Әл-Әгса туфаны олдуғуна диггәт чәкәрәк билдириб:
“2 милјард мүсәлманы олан вә Гәзза халгына дәрман вә јемәк ҝөндәрә билмәјән өлкәләр зилләт вә зәифлик нүмунәси дејилми?”
О, Һизбуллаһын вә дүнјанын азад Ислам халгларынын үзәринә дүшән вәзифәләрдән биринин фактлары ајдынлашдырмаг олдуғуну вурғулајан билдириб:
“Сионист дүшмән гүввәләринин өтән илин октјабрын 7-дән бәри тәблиғ етдији јаланлары сүбут етмәк үчүн һеч бир тутарлы әсасы јохдур. Әҝәр 7 октјабр һадисәләри илә бағлы арашдырма апарыларса, Исраилин баш назири Бинјамин Нетанјаһу вә АБШ президенти Ҹо Бајденин ҺӘМАС һәрәкатыны мәһв етмәк исрарлары илә иддиа етдији бүтүн мәнәви вә һүгуги әсаслар мәһв едиләҹәкдир. Бир чох өлкә, һәтта ҺӘМАС һәрәкатынын досту олдуғуну дејән өлкәләр белә, Исраилин 7 октјабрла бағлы тарихи сахтакарлығына инандылар вә Фәләстин мүгавимәти октјабрын 7-дән бу јана ән ағыр сахтакарлыг вә тәһгирләрлә үзләшди...”
АБШ һөкумәти бөлҝәдәки һәр дамла гана ҝөрә мәсулијјәт дашыјыр
Ливан Һизбуллаһынын баш катиби әлавә едиб:
“Бу ҝүн дүнјанын шаһиди олдуғу икиүзлүлүк АБШ һөкумәтинин Гәззада баш верәнләрлә бағлы мөвгејидир. Әҝәр Америка инди Исраили дәстәкләмәји вә һимајә етмәсини дајандырса, тәҹавүз бирбаша дајанаҹаг; Нетанјаһу истәсә дә, истәмәсә дә.”
О, вурғулајыб:
“АБШ һөкумәти бөлҝәдәки һәр дамҹы гана ҝөрә мәсулијјәт дашыјыр, Исраил һакимијјәти исә иҹра аләтләридир. Әл-Әгса Фыртына әмәлијјаты “Исраилин” үзәриндә чалышдығы мәгсәдин фәләстинлиләри өз ана торпаларындан көчүрмәк вә бүтөвлүкдә Фәләстин торпагларында јәһуди дөвләти јаратмаг олдуғуну ортаја гојду.”
Сејид Һәсән Нәсруллаһ давам едәрәк билдириб:
“Гәзза мүһасирәсинин мәгсәди дүнја сарсылмадан сүкут вә арамлыг ичиндә бу бөлҝә халгынын өлмәси иди. Сионистләрин мәгсәди Гәрб Саһилинин әһалисинин Иорданијаја, Гәзза әһалисинин Мисирә вә 1948-ҹи илдә тәјин олунан сәрһәддә олан фәләстинлиләрин исә Ливана көчүрүлмәси иди. Инди бизим мәсулијјәтимиз бу мәҹбури миграсијанын гаршысыны алмагдыр вә бу, күтләви реаксија тәләб едир.”
Ливан Һизбуллаһынын Баш Катиби вурғулајыб:
“Америка Ливан ордусуну, Ливаны горумаг вә чәкиндириҹи ҝүҹ јарада биләмәси үчүн силаһ-сүрсат вә ракет алмасына мане олур.”
Нәсруллаһ чыхышынын давамында билдириб:
“Ливан вә Фәләстинин мүгавимәти Исраил режиминин чәкиндирмә ҝүҹүнү мәғлуб едәрәк бу режими шүбһә алтына алды вә јени бир чәкиндирмә тәнлији јаратды. Мүгавимәт Ҹәбһәсиндә һамынын мәгсәди дүшмәни мәғлуб етмәк вә Гәззаны гәләбәјә наил етмәкдир. Бу дөјүшдә дүшмәнин мәғлуб олмасы, онун мәгсәдләринә чата билмәмәси демәкдир. Дүшмәни мәғлуб етмәјә мәҹбур етмәк үчүн она итки вә тәләфат верилмәси һәр шејдән даһа ваҹиб вә зәруридир.”
Диггәт: Хәбәрдән Истифадә Етдикдә Мәнбәјә Истинад Лазымдыр!