Әһли-Бејт
(әлејһимус сәлам) Хәбәр Аҝентлији – АБНА: Үмумдүнја Әһли-Бејт (ә) Ассамблејасынын
баш катиби Ајәтуллаһ Рза Рамазани Ниҝерија Ислами Һәрәкатынын баш катиби Шејх Ибраһим
Зәкзәки илә ҝөрүшүб сөһбәт едиб.
Үмумдүнја Әһли-Бејт (ә) Ассамблејасынын бејнәлхалг витсе-президенти Һөҹҹәтүл-Ислам вәл-Мүслимин Муинјан вә Идарәетмәнин Инкишафы үзрә витсе-президент Һөҹҹәтүл-Ислам вәл-Мүслимин Газәви дә иштирак бу сәмими ҝөрүшдә иштирак едибләр.
Ајәтуллаһ Рамазани Шејх Ибраһим Зәкзәки илә ҝөрүшдән мәмнунлуғуну ифадә едәрәк, онун Ниҝерија дөвләти тәрәфиндән горхагҹасына һүҹумлара мәруз гојараг һәбс етдији ҝүнләрә тохунуб вә Шејх Зәкзәкини “Мәһбәс Ислаһчысы” адландырыб.
Үмумдүнја Әһли-Бејт (ә) Ассамблејасынын баш катиби Шејх Зәкзәки вә аиләси илә ҝөрүшүнү чох хошбәхт адландырыб вә әлавә едиб:
“Биз һәмишә сизинлә ҝөрүшмәјә ҹан атмышыг вә сизә дәрин мәһәббәтимиз вар. Сиз мәнәвијјат вә расионаллыға чағырышда ән тәсирли персонажлардан бирисиниз. Сизин үчүн бөјүк шәрәфдир ки, сиз ингилаб имамларынын бөјүк әсҝәрләри арасында олмушсунуз вә варсыныз.”
О, Шејх Зәкзакинин Ниҝеријада шиә мәдәнијјәтини јајмаг үчүн ҝөстәрдији сәј вә тәлшларыны тәгдир етмәклә јанашы, ону Мүҹаһиду Фијсәбилуллаһын әсл нүмунәси һесаб едиб вә Шејх Зәкзакинин мүҹаһидлик вә дирәниш јолунун давам едиләҹәјинә үмид етдијини билдириб.
Үмумдүнја Әһли-Бејт (ә) Ассамблејасынын баш катиби дејиб:
“Дүнјада бөјүк һадисәләр баш верир. Бу ингилаб Меһди (ә.с)-ын ингилабына сәбәб олаҹаг вә иншаллаһ Имам Мәһдинин (Аллаһ Онун зүһуруну тезләшдирсин) әдаләтли һөкүмәтинин бәрпасы чох да узагда дејил.”
Диггәт: Хәбәрдән Истифадә Етдикдә Мәнбәјә Истинад Лазымдыр!