Әһли-Бејт
(әлејһимус сәлам) Хәбәр Аҝентлији – АБНА: Пакистанын мүвәггәти баш назири Әнвәр-үл-Һаг
Какар ҹәнҹаллы мүсаһибәсиндә Пакистанын мәрһум баниси Мәһәммәд Әли Ҹиннаһын Пакистан
Ислам Дөвләтинин Фәләстинә гејд-шәртсиз дәстәји вә Исраил режиминин гејри-ганунилији
илә бағлы фикирләрини тәнгид едиб вә дејиб:
“Бејнәлхалг ссенари дәјишиб вә Пакистанын гуруҹусунун фикринә зидд гәрар гәбул етмәк истәјириксә, бу “чиркин” дејил.”
Бу бәјанатлар Пакистанын сијаси вә дини лидерләринин кәскин реаксијасы илә мүшајиәт олунуб вә бәзиләри бу ҹүр сөзләри Пакистан халгынын истәкләринә хәјанәт вә һәссас Фәләстин мәсәләсиндән үз дөндәрмәк кими гијмәтләндирир.
Бунунла бағлы Пакистанын Шиә Үләма Шурасынын рәһбәри Әлламә Сејид Саҹид Әли Нәгви билдириб: “Мәһәммәд Әли Ҹиннаһын Фәләстинлә бағлы мөвгеји Пакистанын сон сијасәтидир вә буна јалныз халг лајигдир. Пакистан демократик өлкәдир вә онун талеји халгын әлиндәдир. Кимсә дуруб һәссас мәсәләләри үрәји истәдији кими дәјишә билмәз.”
Пакистан Мүсәлман Бирлији Шурасынын мәркәзи катиби Һөҹҹәтүл Ислам Магсуд Әли Думәки исә дејиб: “Мүвәггәти баш назир Әнварул Һаг Какар, Америкаја көләликдә бүтүн мәһдудијјәтләри ашараг Пакистанын гуруҹусунун идеја вә идеалларындан кәнара чыхыб. Мүвәггәти баш назир өз һүдудларында галмалы вә һәддиһүдудуну билмәлидир. Фәләстин проблеминин һәлли Фәләстинин фәләстинлиләрә гајтарылмасындадыр. Фәләстин торпагларынын бир һиссәси белә гәсбкар вә ишғалчы сионистләрә мәхсус дејил.”
Мәгсуд Думәки вурғулајыб:
“Мүвәггәти баш назир Әнварул Һаг Какар Пакистанын гуруҹусу Мәһәммәд Әли Ҹиннаһын фикир вә идејаларындан јајыныр. Онун сөзләри Америка вә Исраилин разылығыны газанмаг вә милләтин атасы вә арифи Әлламә Мәһәммәд Игбалын фикирләриндән узаглашдырыр. Бу сөзләр вәтәнә, милләтә, мүсәлманлара хәјанәтдир.”
Пакистан Мүсәлман Бирлији Шурасынын сәдр мүавини Һүҹҹәтүлислам Әһмәд Игбал Рәзәви исә дејиб: “Хаин вә марионет баш назир Әнварул Һаг Какарын Фәләстинлә бағлы ачыгламалары чох утанҹ вериҹи вә гынаныласыдыр.”
О, вурғулајыб:
“Пакистанын гуруҹусу Мәһәммәд Әли Ҹиннаһын Фәләстинлә бағлы мөвгеји сабит вә принсипиалдыр. Буна ҝөрә дә мүвәггәти баш назир бүтүн халгдан үзр истәмәлидир. Һөкумәт Фәләстин мәсәләсиндә мөвгејини дәгигләшдирмәсә, инсанлар баш назирин евинә һүҹум чәкәҹәкдир.”
Пакистан Мүсәлман Бирлији Шурасынын сәдри Һөҹҹәтүл-Ислам Раҹа Насир Аббас Ҹәфәри исә дејиб дејиб:
“Пакистанын гуруҹусу Мәһәммәд Әли Ҹиннаһын гәсбкар Исраил дөвләти илә бағлы мөвгеләри Ислам дүнјасынын мөвгеји илә дәстәкләниб. Гәсбкар Исраилә гаршы чыхмаг вә мәзлум Фәләстини дәстәкләмәк һәмишә Пакистанын ачыг мөвгеји олуб.”
Пакистан Үммәти Ваһидәнин сәдри Һөҹҹәтүл Ислам Мәһәммәд Әмин Шаһиди Пакистанын мүвәггәти баш назири Әнварул Һаг Какарын Фәләстин әлејһинә бәјанатларыны писләјиб:
“Әзәмәтли Рәһбәр Муһаммад Али Ҹиннаһ Пакистанын гуруҹусудур, онун бујурдуғу бәјанатлары вә гојдуғу јол ҝүнәшдән дә артыг ајдындыр вә Пакистанын 250 милјон әһалиси ону бәјәнир вә дәстәкләјир.”
Пакистан Үммәти Ваһидәнин сәдри даһа сонра дејиб:
“Америка вә Исраил империализми Ибраһими динләр адлы мәкирли бир план һазырлады, Пакистан да бу планын бир һиссәси ојнамаға чалышды. Буна ҝөрә дә Пакистанда Исраилин танынмасы үчүн сәјләр ҝөстәрилир.”
О әлавә едиб:
“Әнвәр Һаг Какар сүбут етди ки, дүнја империјасынын гуллары арасында ән алчаг гулдур.”
Диггәт: Хәбәрдән Истифадә Етдикдә Мәнбәјә Истинад Лазымдыр!