Әһли-Бејт
(әлејһимус сәлам) Хәбәр Аҝентлији – АБНА: Алманијанын хариҹи ишләр назири
Аналена Баербок Гәззада инсан шәраитинин писләшмәсиндән нараһатлығыны дилә
ҝәтириб вә вурғулајыб ки, Исраил ордусу даһа јахшы ишләр ҝөрмәлидир вә мүлки
әһалинин һәјатыны горумалыдыр.
Алманија хариҹи ишләр назиринин тәнгидләри сионист режимин Гәззаја һүҹумларынын индијәдәк 18 миндән чох инсанын өлүмү илә нәтиҹәләндији контекстдәдир. Бир чох сијаси мүшаһидәчиләр Гәрб өлкәләрини Исраилин фәләстинлиләрә гаршы ҹинајәтләринин әсас дәстәкчиләри һесаб едирләр.
Сионист режим ордусунун Гәзза мүһарибәсиндәки стратеҝијасыны тәнгид едән Баербок дејиб: Әслиндә сығынаҹаг јер олмадығы һалда, инсанларын сығынаҹаглара сығынмасыны истәмәк кифајәт дејил.
Мүһарибәнин әввәлиндә сионист режим Гәззәнин шимал бөлҝәсинин әһалисиндән Хан Јунис вә Рәфаһын ҹәнуб бөлҝәләринә ҝетмәләрини истәјиб, лакин бу режим дөјүшчүләри дәфәләрлә ҹәнуб бөлҝәләрини бомбалајыблар вә атәшкәс баша чатдыгдан сонра гуру әмәлијјатларынын әһатәсини бүтүн Гәззаја ҝенишләндирдиләр.
Фәләстинли Гачгынлара Јардым вә Мәшғуллуг Аҝентлији билдирир ки, Гәззадан олан 1,9 милјон инсан Исраилин бомбардманлары алтында дидәрҝин дүшүб вә онларын әксәријјәти Исраилин һүҹумлары сәбәбиндән дәфәләрлә јашајыш јерини дәјишиб,диҝәр јерләрә көчүрүлмүшләр.
Һазыркы мүһарибәдә Берлинин Тәл-Әвивә һәртәрәфли дәстәјини гејд етмәјән Баербок Гәззада фөвгәладә вәзијјәтин олдуғуну вурғулајараг әлавә едиб: Гәззә әһалисинин вәзијјәти ҝүнү-ҝүндән ағырлашыр, ән чох гадынлар вә ушаглар әзијјәт чәкир, ән ахырынҹы јемәк јејәнләр, илк өлдүрүләнләр дә онлардыр.
Барбук һәмчинин елан едиб ки, писләшән һуманитар бөһранла мүбаризә апармаг үчүн Алманија бу ил Фәләстин әразиләринә јардым ҝөстәрмәк өһдәлијини артырыр вә бу ил үмумиликдә 179 милјон авро (193 милјон доллар) ајырыр.
О, вурғулајыб: Бејнәлхалг бирлик олараг, бу әзабын азалдылмасы вә Гәззаја даһа чох јардымын чатмасы үчүн һәр шеји етмәлијик.
Диггәт: Хәбәрдән Истифадә Етдикдә Мәнбәјә Истинад Лазымдыр!