Әһли-Бејт
(әлејһимус сәлам) Хәбәр Аҝентлији – АБНА: Иран Ислам Республикасынын Хариҹи Ишләр Назирлијинин сөзчүсү Америка, Инҝилтәрә
вә Канада һөкумәтләринин бәзи Иран вәтәндашларына гаршы санксија тәтбиг едән әсассыз
вә мүдахиләчи һәрәкәтинә ҹаваб олараг бу һәрәкәти кәскин шәкилдә писләјиб.
Насир Кәнани Иран Ислам Республикасынын гаршылыглы вә мүтәнасиб аддым атмаг һүгугуна малик олдуғуну билдирәрәк әлавә едиб:
“Өз әразиләриндә вә дүнјанын диҝәр јерләриндә азлыгларын, иммигрантларын вә јерли әһалинин һүгугларынын кобуд шәкилдә позулмасы да дахил олмагла, мүстәмләкәчилик гејдләри вә инсан һүгугларынын систематик позулмасы илә бағлы гара кечмиши олан өлкәләр, бу ҹүр гәрәзли вә нүмајишкаранә һәрәкәтләри илә дүнјанын иҹтимаи рәјини инсанлыға зидд һәрәкәтләрдән јајындырмаға вә ушаг гатлил олан сионист режиминин инсанлыг әлејһинә ҹинајәтләри илә там әмәкдашлыг етмәјә чалышырлар.”
Канани бу өлкәләрин икили давранышлары илә јүксәк инсан һүгуглары анлајыш вә дәјәрләринә бөјүк һагсызлыг етдикләрини вурғулајараг әлавә едиб:
“Сионист режимин һәрби ҹинајәтләриндә билаваситә иштирак етмәләри вә Гәззада минләрлә инсанын, хүсусән дә гадын вә ушагларын вәһшиҹәсинә гәтлә јетирилмәси илә бағлы галмагал бу ҝүн дүнјанын гулағына чатан бу сахта инсан һаглары иддиачылары һеч вахт башга өлкәләрин инсан һагларынын вәзијјәтини шәрһ етмәк вә мүһакимә етмәк игтидарында дејилләр.”
Дипломатик гурумун сөзчүсү вурғулајыб:
“Исраил режиминин тарихи вә давамлы дәстәјини вә бу режимин сон ики ајда Гәззада төрәтдији һәрби ҹинајәтләрә иҹтимаи сијаси, һәрби, кәшфијјат вә медиа дәстәјини нәзәрә алараг, АБШ, Инҝилтәрә вә Канада һөкумәтләри, ҹинајәтдә тәрәфдаш кими мәсулијјәт дашыјырлар.”
Гејд едәк ки, АБШ Малијјә Назирлијинин Хариҹи Активләрә Нәзарәт Идарәси бир мүддәт әввәл вердији ачыгламада өлкәнин Иран, Әфганыстан вә Чин дә дахил олмагла бүтүн дүнјадакы инсанлары инсан һагларынын позулмасында иштирак етмәси бәһанәси илә һәдәфә алдығыны ачыгламышды.
Бәјанатда билдирилир ки, АБШ һөкумәти 9 өлкәдә ики иранлы, Әфганыстан Талибанынын үзвләри вә Чин тәһлүкәсизлик рәсмиләри дә дахил олмагла 20 нәфәрә гаршы санксија тәтбиг едиб.
Бәјанатда һәмчинин дејилир ки, Вашингтонун АБШ-да әмәлијјатлар апармаг, о ҹүмләдән АБШ-ын индики вә кечмиш һөкумәт рәсмиләрини һәдәфә алмаг үчүн инсанлары ҹәлб етдијини иддиа етдији ики Иран кәшфијјатчысына – Мәҹид Дәстҹани Фараһани вә Мәһәммәд Меһди Ханпур Әрдәстанијә санксија тәтбиг едилиб.
Кичик Британија һөкумәти дә ҹүмә ҝүнү ахшам бәјанат јајараг елан едиб ки, мүттәфигләри, о ҹүмләдән АБШ вә Канада илә бирликдә Иран, Сурија, Беларус вә Ҹәнуб-Шәрги Асија да дахил олмагла мүхтәлиф өлкәләрдә инсан һагларыны позан инсанлары һәдәф алыб, о ҹүмләдән онларын активләри блокланыб вә сәјаһәтләри гадаған едилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!